Wuok 4:1 - MUMA MALER 2015

¹ Musa nodwoko Ruoth Nyasaye niya, “Ok gibi yie, kata winjo gima awacho, to gibiro mana wachona ni, ‘Ruoth Nyasaye ne ok ofwenyoreni.’ To koro abiro timo ang’o?”

Motingʼo Loko Manyien

¹ Musa nodwoko niya, “To kapo ni ok giyie kata winjo wachna mi giwacho ni, ‘Jehova Nyasaye ne ok ofwenyoreni’?”

Wuok 4:1 ပူးပေါင်းရင်းမြစ်များ

1 Ruodhi 13:3

Eka nokor wach chieng’ono, kowacho niya, “Ranyisi ma Ruoth Nyasaye osewacho ni biro timore ema: Kendo-mar-misangoni nobarre, kendo buru manie wiye nopukre.”

Wuok 2:14

Jalo nodwoke ni, “Ng’ano moketi jatendwa kata jang’adnwa bura? Koso idwaro nega kaka ninego ja-Misri cha?” Kane Musa owinjo kamano, kibaji nogoye, koparo ni, “Adier, kara nyaka bed ni wachni oseng’ere!”

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Wuok 3:16

Dhiyo mondo ichok jodong Israel kanyakla, kendo mondo iwachnigi ni Nyasach kweregi, ma Nyasach Ibrahim gi Isaka kod Jakobo osefwenyoreni, mochiki mondo iwachnigi niya, ‘Asebiro iru, kendo aseneno gima jo-Misri timonu.

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Wuok 4:10

Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Wuok 4:30

Harun nonyisogi weche duto mane Ruoth Nyasaye owacho ni Musa, kendo notimo honnigo duto e nyimgi,

Wuok 4:31

mi ne giyie ni kara Ruoth Nyasaye oseoro Musa adier. Bende kane giwinjo ni Ruoth Nyasaye oselimo jo-Israel, moneno chandruokgi, ne gikulore, mi gilame.

Wuok 6:12

To Musa nodwoko Ruoth Nyasaye ni, “Ka jo-Israel ema ok nyal winja, Farao to diwinja nadi, an ng’at maywayo wachni?”

Wuok 6:30

To Musa nodwoko Ruoth Nyasaye niya, “Ing’eyo ni an ng’at maywayo wach, to ere kaka Farao diwinj wachna?”

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

Ezekiel 3:14

E kinde mane Roho oting’a malono, ne iya owang’, kendo abedo gi chuny lit, mi teko mar Ruoth Nyasaye nobiro kuoma.

Tich Joote 7:25

Ne oparo ni jogi ma jo-Israel ding’e ni Nyasaye biro miyo oresgi, to ne ok ging’eyo mano.

Jong’ad Bura 6:17

Gideon nokone niya, “Ka iyie koda adier, to timna gima nyisa ni in ema iwuoyo koda.