Wuok 39:42 - MUMA MALER 2015

⁴² Jo-Israel nosetimo tije duto mana kaka Ruoth Nyasaye nochiko Musa.

Motingʼo Loko Manyien

⁴² Jo-Israel nosetimo tije duto mana kaka Jehova Nyasaye nochiko Musa.

Wuok 39:42 ပူးပေါင်းရင်းမြစ်များ

1 Ruodhi 6:38

To e higa mar apar gachiel, e due mar aboro miluongo ni Bul, Hekalu norumo chuth, kaka nosechan ni onego gere. Kamano Solomon notieko higni abiriyo kagero Hekalu.

2 Weche mag Ndalo 8:15

Kuom weche duto mane ruoth omiyo jodolo gi jo-Lawi ne onge moro amora mane giweyo kata mana wach keno.

Wuok 12:28

Ne gidhi, mi girito wechego, kendo gitimo gima Ruoth Nyasaye nochiko Musa gi Harun.

Wuok 35:10

“Jotich duto molony man kuomu mondo obi, kendo olos gik moko duto mane Ruoth Nyasaye ochiko.

Wuok 39:32

Tije duto mag Hema Maler, ma en Hemb Romo ma Nyasaye romoe gi joge norumo. Jo-Israel notimo gik moko duto mana kaka Ruoth Nyasaye nochiko Musa.

Wuok 39:41

Ne gikelo bende lewni motwang’ malich ma jodolo tiyogo e Kama Ler, tiende ni lep lemo mag Harun jadolo kod lep yawuote ma girwako ka gitiyo tich dolo.

Wuok 39:43

Musa norango gik moko duto mane giseloso, moneno ni giselosogi mana kaka Ruoth Nyasaye nosechiko, omiyo noguedhogi.

Jeremia 13:5

Omiyo ne adhi mi apande but aora Yufrate kaka ne Ruoth Nyasaye ochika.

Kwan 9:22

Kata bed ni ne obet ewi Hema Maler kuom ndalo achiel kata ndalo ariyo, kata kuom due kata higa, kata bed ni obudho marom nadi, to jo-Israel ne bet mana e kambi to ne gichako wuoth mana ka oa ewi Hema Maler.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 12:32

“Neuru ni urito gik moko duto machikou. Kik umedie gimoro, kata kik ugolie gimoro.

2 Timotheo 2:15

Tem matek mondo inyis ji ni in ng’at ma Nyasaye oyiego, kendo mapuonjo wach mar adiera e yo makare, kaka jatich ma tichne ok kuod wiye.

2 Timotheo 4:7

Asekedo lweny maber, kendo asetieko ng’weya, bende aserito yie marwa.