Wuok 39:41 - MUMA MALER 2015

⁴¹ Ne gikelo bende lewni motwang’ malich ma jodolo tiyogo e Kama Ler, tiende ni lep lemo mag Harun jadolo kod lep yawuote ma girwako ka gitiyo tich dolo.

Motingʼo Loko Manyien

⁴¹ gi lewni mochwe mag tij dolo mitiyogo e kama ler mar lemo ma gin lewni mag Harun jadolo kod lep yawuote ka gitiyogo kaka jodolo.

Wuok 39:41 ပူးပေါင်းရင်းမြစ်များ

Wuok 28:2

Twang’ni Harun owadu lep dolo, mondo omedu duong’ gi chia.

Wuok 28:28

Eka iriw ratege mag law agoko gi ratege mag efod gi tol mambulu, mondo law agoko obed ewi okanda gi malo, mondo kik ogonyre.

Wuok 28:40

Los ni yawuot Harun kendhe gi okendni kod kilembni, mondo omedgi duong’ gi chia.

Wuok 31:10

kod lep dolo malich mag Harun jadolo gi mag yawuote, ma girwako ka gitiyo tich dolo,

Wuok 39:1

Ne gitiyo gi usi mambulu gi maralik kod makwar kuom loso lewni malich mane jodolo rwako ka gitiyo Kama Ler, kendo kuom loso ni Harun lep lemo kaka Ruoth Nyasaye nochiko Musa.

Wuok 39:40

gi pasia mag laru, gi sirni mage kod rachungine, kaachiel gi pasia man e dhoranga laru, gi tondene kod loyene gi gik moko duto mitiyogo tich Hema Maler, ma en Hemb Romo.

Wuok 39:42

Jo-Israel nosetimo tije duto mana kaka Ruoth Nyasaye nochiko Musa.