Wuok 39:30 - MUMA MALER 2015

³⁰ Ne giloso gima opamore ka san gi dhahabu maler mondo obed osimbo maler kendo ne gindiko kuome ni, “MOWAL NI RUOTH NYASAYE” wechego nogor mana e yo ma jagor kidi goroe.

Motingʼo Loko Manyien

³⁰ Negiloso gima opadore ka san gi dhahabu maler mondo obed osimbo maler mi gindiko kuome ni: Kama owal ne Jehova Nyasaye.

Wuok 39:30 ပူးပေါင်းရင်းမြစ်များ

Wuok 26:36

Los ni dho Hema pasia mar law katana maber. Nyaka gorie maradadi gi usi mambulu gi maralik kod makwar.

Wuok 39:29

kod okanda. Gigo duto nolos gi law katana maber mogoe maradadi gi usi mambulu gi maralik kod makwar, eyo ma jagoro molony goyoe. Mago duto ne gitimo mana kaka Ruoth Nyasaye nochiko Musa.

Wuok 39:31

Ne gitueyone tol mambulu mondo oketego e kilemba gi yo ka malo, mana kaka Ruoth Nyasaye nochiko Musa.

Zekaria 14:20

Chakre chieng’no, kata mana okode mag farese nogorie weche mawacho niya, ‘Mowal ni Ruoth Nyasaye,’ kendo agulni mitedogo e Hekalu nobed mowal ni tich Ruoth Nyasaye mana ka tewni mitiyogo e kendo-mar-misango.

1 Jo-Korintho 1:30

Osekelou e achiel gi Kristo Yesu, kendo osemiyo Kristo obedo riekowa. Kuom Kristo bende ema Nyasaye osemiyo wabet e winjruok kode, kendo osemiyo wabedo joge kendo wayudo warruok.

2 Jo-Korintho 5:21

Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”