Wuok 38:26 - MUMA MALER 2015

²⁶ Fedhago ema ne ochok ka ne ng’ato ka ng’ato mokwan ogolo nus-shekel, nimar kar romb joma ne okwan ma hikgi oromo piero ariyo kata mokadho kanyo ne alufu mia auchiel gadek, kod mia abich gi piero abich (603,550). Nus shekelno nopim gi rapim mitiyogo tich Nyasaye.

Motingʼo Loko Manyien

²⁶ fedhago ema nochok kane ngʼato ka ngʼato mane okwan ogolo nus shekel kaluwore gi rapim mar kama ler mar lemo nimar kar romb joma nokwan machwo mahikgi oromo piero ariyo kadhi nyime ne gin ji alufu mia auchiel gadek mia abich gi piero abich (603,550).

Wuok 38:26 ပူးပေါင်းရင်းမြစ်များ

Wuok 12:37

Jo-Israel nochako wuoth Rameses kochomo Sukoth. Ne gin ji alufu mia auchiel ka ok okwan mon gi nyithindo.

Wuok 30:12

“Kikwano jo-Israel, to ng’ato ka ng’ato nyaka chul Ruoth Nyasaye chiwo mowarogo ngimane, mondo kik giyud masira e ndalo mikwanogie.

Wuok 30:13

Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Wuok 38:27

Kilo alufu ang’wen gi mia abich kod piero abich mag fedhago nolosgo rachungi mag Kama Ler kod mag pasia. Kilo alufu ang’wen gi mia abich kod piero abichgo ema nolosgo rachungi mia achiel, ka rachung ka rachung kawo kilo piero ang’wen gabich gi nus.

Kwan 1:2

Dhiyo ikwan oganda jo-Israel duto e dhoutgi kaluwore gi kweregi,

Kwan 1:3

kendo indik nying ng’ato ka ng’ato ma dichwo ma hike oseromo piero ariyo kata mokadho kanyo, moromo dhi e lweny. Un gi Harun nyaka undik nyinggi malong’o kuchanogi e ogendini mag lweny.

Kwan 1:46

Kar rombgi ne alufu mia auchiel gadek gi mia abich gi piero abich.

Kwan 2:32

Mago e jo-Israel mane okwan kaluwore gi dhoutgi. Kar romb ji duto e kambi, kochan e ogendgi mag lweny romo ji alufu mia auchiel gi adek, gi mia abich gi piero abich.

Kwan 26:2

“Kwanuru oganda jo-Israel e dhoutgi, kundiko joma hikgi oromo piero ariyo kata mokadho kanyo, kendo moromo dhi e lweny,”

Kwan 26:51

Kamano kar romb jo-Israel duto ne ji alufu mia auchiel gi achiel, kod mia abiriyo gi piero adek. (601,730)

Mathayo 17:24

Kane Yesu gi jopuonjrene ochopo Kapernaum, josol osuch Hekalu nobiro ir Petro, mopenje ni, “Bende japuonju golo osuch Hekalu?” (Osuch Hekalu ne en nus-shekel.)