Wuok 38:24 - MUMA MALER 2015

²⁴ Kar romb dhahabu duto mane otigo kuom loso Kama Ler ne romo kilo alufu achiel gi mia ariyo kod piero adek, kipimo gi rapim mitiyogo e tich Nyasaye. Dhahabugo duto nochiw ka mich mowal ni Ruoth Nyasaye.

Motingʼo Loko Manyien

²⁴ Kar dhahabu duto mane okel kawuok e misango mifwayo mane otigo e tich duto mar kama ler mar lemo ne romo kilo alufu achiel (1,000) kaluwore gi rapim mar kama ler mar lemo.

Wuok 38:24 ပူးပေါင်းရင်းမြစ်များ

Wuok 25:2

“Nyis jo-Israel mondo okelna chiwo, kendo ichokna chiwo moro amora kuom ji duto moyie golo kuom herogi.

Wuok 29:24

Ket mago duto e lwet Harun, kendo e lwet yawuote, kendo iyieggi e nyim Ruoth Nyasaye.

Wuok 30:24

gi kasia kilo apar, (duto nyaka pim gi rapim mitiyogo e tich Nyasaye,) kod mor zeituni moromo lita abiriyo.

Wuok 35:22

Mon gi chwo nobiro, kendo ng’ato ka ng’ato ma noyie golo chiwo nokelo ngaga gi sitadi gi bony gi mula kod gimoro amora maber mar dhahabu. Ji duto nokelo ni Ruoth Nyasaye chiwo mag dhahabu,

Tim jo-Lawi 27:25

(Nengo ka nengo nopim gi shekel mitiyogo e tich Nyasaye. Shekel achiel romre gi gera piero ariyo.)

Tim jo-Lawi 27:3

Ng’ama dichwo ma hike ni e kind piero ariyo gi piero auchiel nowar gi shekel piero abich mag fedha, (ma gin shekel mitiyogo e tich Nyasaye.)

Tim jo-Lawi 5:15

Ka ng’ato oboth, moketho, mi ok ochiwo gima onego ochiw ni Ruoth Nyasaye, to nyaka okelni Ruoth Nyasaye im maonge songa, mondo otimgo misango mipwodhogo ketho mar gowi. Nengo imno nyaka pim gi shekel mar fedha mitiyogo e tich Nyasaye. En misango mar golo ketho.

Hagai 2:8

An e wuon fedha, kendo an e wuon dhahabu.

Kwan 18:16

Ka gisetieko due achiel, to nyaka wargi gi shekel abich abich, mopim gi rapim mitiyogo e tich Nyasaye (shekel achiel oromo gera piero ariyo.)

Kwan 3:47

omiyo nyaka uwar joma odong’go gi shekel abich abich, kipimo gi shekel mitiyogo e tich Nyasaye. (Shekel achiel romre gi gera piero ariyo.)