Wuok 38:20 - MUMA MALER 2015

²⁰ Loye duto mag Hema Maler kod mag laru nolos gi mula.

Motingʼo Loko Manyien

²⁰ Loye duto mag Hemb Romo kod loye mag alwora mar laru nolos gi mula.

Wuok 38:20 ပူးပေါင်းရင်းမြစ်များ

2 Weche mag Ndalo 3:9

Pek dhahabu mar musmal mane otiyogo noromo nus kilo. Nobawo udi mamalo bende gi dhahabu.

Ezra 9:8

A Ruoth Nyasaye ma Nyasachwa, koro sani, kuom kinde matin, isebedonwa mang’won, kiweyo jowa moko tony, kendo isemiyowa kama wanyalo dakie e dalani maler. Iseduogo chunywa, kendo iweyonwa thuolo mondo dendwa oduogi e tuech ma wantieni.

Wuok 27:19

Gik moko duto mibiro tiyogo e Hema Maler, kaachiel gi loyene duto, kod mago mag laru, nyaka los gi mula.

Wuok 38:19

Ne ong’awe e sirni ang’wen morwak e ang’wen mag mula, to rang’awgi nolos gi fedha, kendo wigi kod rategegi nobaw gi fedha.

Wuok 38:21

Magi e kar romb gik mane Musa oketo e lwet jo-Lawi mane tiyo e bwo Ithamar wuod Harun jadolo, mondo olosgo Hema Maler, ma nyinge moro en Hemb Rapar.

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Isaya 22:23

Enobed jatelo ma nomi joodgi yud duong’, kendo anagure matek, mana ka musmal.

Isaya 33:20

Ka orango Sayun, dala mwatimoe sewni, to enone ni en dala man gi kue. Ee, kong’iyo Jerusalem, to enone ni ochalo gi hema ma ok tungni, ma loyene ogur motegno kendo ma kata tonde achiel ok ochot.

Jo-Kolosai 2:19

Giseweyo bedo kuom Kristo ma en Wich. Kuom Kristo, ringruok duto yudoe gik modwaro, kendo fuoni gi leche omake kaachiel, omiyo odongo kaka Nyasaye dwaro ni mondo odongi.