Wuok 36:8 - MUMA MALER 2015

⁸ Jotich molony ema noloso Hema Maler. Ne gilosone pasia apar mag law katana maber, mogoe kido mag kerubi gi usi mambulu gi maralik kod makwar mana kaka jatueng’o molony goro.

Motingʼo Loko Manyien

⁸ Jotich molony duto mane nigi jotich mamoko nogero Hemb Romo gi pasia apar mar law mayom momin man-gi rangi marambulu gi maralik kod marakwaro ka ogorie kido mar malaika mar kerubi gi jagoro molony.

Wuok 36:8 ပူးပေါင်းရင်းမြစ်များ

1 Ruodhi 6:23

Ei ot maler maiye noketoe kido ariyo molos gi bap zeituni maket gi malaika miluongo ni kerubi, ma moro ka moro borne noromo mita abich.

1 Weche mag Ndalo 15:1

Daudi nomedo gero udi e Dala Daudi, kendo noloso kama Sanduk mar Nyasaye nyalo betie, mogurone hema.

2 Weche mag Ndalo 1:3

Eka Solomon gi ji duto ma nochokore kode ne jodhi e hembko mane ni Gibeon, nimar Hemb Romo mane Nyasaye romoe gi joge, mane Musa jatich Ruoth Nyasaye oloso e thim, ne ni kanyo,

2 Weche mag Ndalo 3:10

Kama Ler Moloyo nolosoe kerubi ariyo kod bao, mobao gi dhahabu.

Wuok 25:18

Kaw dhahabu, ithedhgo kido ariyo machalo gi malaika miluongo ni kerubi, mondo gibed gimoro achiel gi raum, mondo obed kar ng’wono.

Wuok 25:22

Kanyo ema naromie kodi, kendo ka an ewi raum e kind kerubi ariyo manie wi Sandug Rapar, anamiyi chikena duto, iter ni jo-Israel.

Wuok 31:6

To bende aseyiero Oholiab wuod Ahisamak, ja Dan, mondo okonye, kendo asemiyo jotich duto molony rieko mondo olos gigo duto masechiki.

Wuok 31:7

Ginilos Hemb Romo, kod Sandug Rapar gi raumne kod gik moko duto mag hema,

Wuok 35:10

“Jotich duto molony man kuomu mondo obi, kendo olos gik moko duto mane Ruoth Nyasaye ochiko.

Wuok 36:9

Bor pasia ka pasia ne romo mita apar gang’wen, to lachne mita ariyo, kendo giduto ne giromre.

Wuok 39:3

Ne gipamo dhahabu nyaka odoko mareprep, mi ne gilire matindotindo, kendo ne gikade ka tol mondo jatweng’o molony oti kode kaachiel gi usi mambulu gi maralik kod makwar kod law katana maber.