Wuok 36:3 - MUMA MALER 2015

³ Nomiyogi chiwo mane jo-Israel okelo mondo olosgo Kama Ler. To jo-Israel nomedo mana kelo chiwo ni Musa okinyi kokinyi,

Motingʼo Loko Manyien

³ Musa nomiyogi chiwo duto mane jo-Israel osekelo kuom gero kama ler mar lemo, kendo ji nomedo kelo chiwo mar hera okinyi kokinyi.

Wuok 36:3 ပူးပေါင်းရင်းမြစ်များ

Zaburi 101:8

Odiechieng’ kodiechieng’ ananeg joricho e pinya. Anariemb joma timbegi mono duto e dala Ruoth Nyasaye.

Zaburi 5:3

A Ruoth Nyasaye, ibiro winjo dwonda gokinyi ka alami. Adier alami pile gokinyi, kendo arito mondo idwoka.

Wuok 35:27

Jodongo nokelo kite mabeyo mag oniks gi kite miketo kuom efod kendo kuom law agoko,

Wuok 35:29

Jo-Israel duto machwo gi mamon mane oyie golo chiwo ni tich duto mane Ruoth Nyasaye osechiko Musa ni mondo otim, nokelo ni Ruoth Nyasaye michgi.

Wuok 36:2

Musa noluongo Bezalel gi Oholiab kod joma olony e tijegi, mane Ruoth Nyasaye osemiyo rieko, kendo mane oyie konyo tich, mi nonyisogi mondo gichak tich.

Wuok 36:4

nyaka joma ne olony e tije mopogore opogore mane loso Kama Ler noweyo tijegigo,

Ngeche 8:15

Akonyo ruodhi rito pinjegi, kendo akonyogi loso chike mabeyo.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Amos 4:5

Chiwuru makati ma ok ketie thowi ka misango mar erokamano, kendo landuru wach, kusungoru kuom misengni muchiwo kuom herou! Nimar gima kamano ema bernu ka utimo.”