Wuok 35:2 - MUMA MALER 2015

² Unyalo tiyo kuom ndalo auchiel, to chieng’ mar abiriyo nyaka bednu chieng’ yueyo maler, nimar en Sabato mowal ni Ruoth Nyasaye. Ng’ato ang’ata motiyo chieng’no nyaka negi.

Motingʼo Loko Manyien

² Kuom ndalo auchiel nyaka uti to odiechiengʼ mar abiriyo nobed odiechiengu maler, ma en Sabato mar yweyo ni Jehova Nyasaye. Ngʼato angʼata motimo tich chiengʼ Sabato nyaka negi.

Wuok 35:2 ပူးပေါင်းရင်းမြစ်များ

Tim jo-Lawi 23:3

Unuti tijeu kuom ndalo auchiel, to chieng’ mar abiriyo en chieng’ yueyo moyiedhi. En odiechieng chokruok maler, ma kik utimie tich moro amora, nikech en sabato mar Ruoth Nyasaye kuonde duto mudakie.

Wuok 34:21

“Unuti kuom ndalo auchiel, to chieng’ mar abiriyo nyaka uyue, kata obedo ni en kinde mag pur kata mag keyo.

Wuok 23:12

“Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Johana 5:16

Kuom mano, jo-Yahudi nochalo himo Yesu, nikech notimo gik ma kamago chieng’ Sabato.

Wuok 16:23

mi nodwokogi niya, “Ruoth Nyasaye osechiko kama: ‘Kiny en chieng’ yueyo ma en Sabato mowal ni Ruoth Nyasaye. Kuom chiemo musechokogo, unyalo bulo mago mudwaro bulo, kendo boko mago mudwaro boko. To modong’ mondo oket tenge, okan nyaka kiny.’ ”

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,