Wuok 34:9 - MUMA MALER 2015

⁹ Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Motingʼo Loko Manyien

⁹ Nowacho niya, “Yaye Ruoth Nyasaye, ka ayudo ngʼwono e nyim wangʼi, to yie idhi kodwa. Kata obedo ni jogi gin joma tokgi tek kamano, to wenwa kuom timbewa mamono kod richowa kendo kwan-wa kaka mwanduni.”

Wuok 34:9 ပူးပေါင်းရင်းမြစ်များ

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Zaburi 25:11

A Ruoth Nyasaye, rit singruokni, mondo iwena richona, nikech ging’eny ahinya.

Zaburi 28:9

A Ruoth Nyasaye, war jogi ma mwanduni iwuon kendo iguedhgi. Bed jakwadhgi, kendo iritgi nyaka chieng’.

Zaburi 33:12

Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

Zaburi 78:62

Ne okecho gi joge owuon, mi oweyo wasikgi onegogi.

Zaburi 94:14

Nyasaye ok nojwang’ joge owuon kendo ok nowegi.

Wuok 19:5

Koro ka unuluora murit singruok ma atimo kodu, to unubed joga awuon, ma aseyiero kuom ogendini duto; nikech piny duto en mara.

Wuok 32:9

Ruoth Nyasaye nomedo wacho ni Musa niya, “Aserango jogi, maneno ni gin joma wigi tek.

Wuok 33:12

Musa nowacho ni Ruoth Nyasaye niya, “En adier ni isenyisa mondo atel ni jogi nyaka piny Kanaan, to pok inyisa ng’at ma ibiro orago. To bende isewacho ni ing’eya maber, kendo imor koda.

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Zekaria 2:12

Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Kwan 14:19

Omiyo kaka ng’wononi thoth, we ni jogi richogi, mana kaka isetimo, chakre Misri nyaka koroni.”

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 9:18

Eka nariera piny e nyim Ruoth Nyasaye kuom ndalo piero ang’wen odiechieng gotieno, kaka nasetimo e kinde mokwongo, mi ariyo kech ka ok achiem kata ok amadh gimoro, nikech richo duto mane usetimo kuketho e nyim Ruoth Nyasaye, kendo kumiye mirima.

Rapar mar Chik 9:26

Nalamo Ruoth Nyasaye kakwaye niya, ‘A Ruoth Nyasaye ma Ruodha, kik itiek jogi, nimar gin mwanduni mane iwaro gi tekoni maduong’, mi igolo Misri gi bat motegno.

Rapar mar Chik 9:29

To Ruoth Nyasaye, jogo gin jogi kendo mwanduni iwuon mane igolo e piny Misri gi tekoni maduong’ kod bat morie.’