Wuok 34:6 - MUMA MALER 2015

⁶ Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Motingʼo Loko Manyien

⁶ Kendo nokadho e nyim Musa kohulo niya, Jehova Nyasaye, Jehova Nyasaye, ma jangʼwono kendo ma kecho ji, ahora mos bende agundho gihera kod adiera,

Wuok 34:6 ပူးပေါင်းရင်းမြစ်များ

Chakruok 24:27

kowacho niya, “Apako Ruoth Nyasaye ma Nyasach Ibrahim ruodha, moserito singruok ma notimo ni ruodha, kendo osekela mana dala owadgi ruodha.”

2 Samuel 24:14

Daudi nodwoko Gad niya, “An gi masira maduong’, to ber mondo wabed e lwet Ruoth Nyasaye, nimar ng’wonone duong’. To kik abed e lwet dhano.”

1 Ruodhi 19:11

Ruoth Nyasaye nowachone niya, “Wuogi, idhi ichung’ nyima ewi got nikech abiro kadho kanyo.” Mokwongo yamo nokudho, momuko gode, kendo obaro lwendni e nyim Ruoth Nyasaye; to Ruoth Nyasaye ok ne nie yamo

1 Ruodhi 8:30

Iwinj kwayo ma an kod jogi Israel biro kwayi ka eri. Yie iwinj e polo kama idakie, to kiwinjo, to mondo iwenwa richowa.

2 Weche mag Ndalo 30:9

Kuduogo kuom Ruoth Nyasaye, eka oweteu gi nyithindu noyud ng’wono kuom joma nomakogi, mi giniduogi e pinyni, nimar Ruoth Nyasaye ma Nyasachu ng’won, kendo jamiwafu, omiyo ka uduogo kuome, to ok noloknu ng’eye.”

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Zaburi 108:4

Herani mosiko kod adierani bor moyombo polo.

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Zaburi 111:8

Gisiko kinde duto nyaka chieng. Gin weche mogen kendo mar adier.

Zaburi 112:4

Ong’won kendo okecho ji. En e ler marieny e mudho ni joma beyo.

Zaburi 116:5

Ruoth Nyasaye ber kendo ng’won. Adier, Nyasachwa en jakech ji.

Zaburi 138:2

Akulora piny kachomo Hekalu mari maler, kapako nyingi nikech herani mosiko kod adierani, kendo nikech iseyaro singruokni, modoko malach ka polo.

Zaburi 145:8

Ruoth Nyasaye jang’wono, kendo okecho ji. Iye ok wang’ piyo, kendo ohero ji gi hera mosiko.

Zaburi 146:6

ma jachuech polo gi piny kod nam, kaachiel kod gik moko duto manie igi, en jahawi. Ruoth Nyasaye pile rito singruokne.

Zaburi 31:19

Mano kaka gik mikano ni joma oluori beyo! Rit miritogo joma ogeno kuomi bende lich miwuoro.

Zaburi 57:10

nimar herani mosiko kod adierani tundo e polo.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

Zaburi 91:4

Enoumi gi buombene, mi iyue e tipone gi kue. Adierane biro bedoni ka okumba kod gigi mag lweny.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 22:27

nikech mano e lawe kende moumorego. Ka ok itimo kamano, to ere gima donindie? Ka oywakna ni mondo akonye, to anawinje, nikech ang’won.

Wuok 33:19

Ruoth Nyasaye nodwoke ni, “Abiro miyo berna duto kadh buti, kendo anahul nyinga ma JEHOVA mana kiwinjo. Anaher ng’at ma adwaro hero, gi hera mosiko, bende anakech jalo ma adwaro kecho.”

Ngeche 3:3

Kik iwe luoro kod adiera lalni, to tuegi e ng’uti, kendo ndikgi e chunyi.

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

Isaya 12:4

Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

Isaya 65:16

Ng’ato ang’ata ma dwaro mondo oyud gueth e piny, to nyaka kwa mana Nyasach adiera mondo oguedhe. Bende ng’at ma kuong’ore e piny ka, to nyaka kuong’re mana e nying Nyasach adiera, nikech wich nowil gi thagruok machon, mi lal nono e wang’a.

Jeremia 32:18

Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Jeremia 9:24

To ng’at madwaro sungore, to mondo osungre mana nikech ong’eya, kendo wechena osedonjone, nimar an Ruoth Nyasaye ahero ji gi hera mosiko, kendo atimo gik makare kendo mowinjore e piny, nikech kamano e kaka adwaro. An Ruoth Nyasaye ema awacho kamano.”

Ywagruok 3:23

Ginyien pile, okinyi kokinyi. Chutho, adiera mare duong’.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Nahum 1:3

Iye ok wang’ piyo, to en gi teko mathoth. Chutho ok onyal weyo joricho mak okumo. En gi yore moluwo ei kalausi kendo ei ahiti, bende boche polo e buru monyono.

Kwan 12:8

En awuoyo kode wang’ gi wang’, kende mana moyangore ma onge ngero. Enone kit Ruoth Nyasaye. Ere kaka uhedhoru kuodho jatichna Musa?”

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

Rapar mar Chik 32:3

Abiro luongo nying Ruoth Nyasaye, to dwokuru ni, ‘Omi Nyasaye duong’!’

Rapar mar Chik 4:31

Ruoth Nyasaye ma Nyasachu en Nyasaye mang’won, omiyo ok nojwang’u, kata kethou ok nokethu, kendo wiye ok nowil gi singruok ma notimo gi kwereu kokuong’ore.

Rapar mar Chik 5:10

to tienge gana gi gana mohera kendo momako chikena, ahero gi hera mosiko.

Jakobo 5:11

nimar wakwano joma ohore mos nyaka giko ni gin johawi. Usewinjo bende kaka ne Ayubu ohore mos, kendo ung’eyo gik mane Ruoth omiye e giko, nimar Ruoth ng’won gi lala, kendo okecho ji.