Wuok 34:1 - MUMA MALER 2015

¹ Ruoth Nyasaye nowacho ni Musa niya, “Pa kite ariyo machal gi mane igoyo piny, mobarore kande, mondo andikie weche mane ni e kite mokwongogo.

Motingʼo Loko Manyien

¹ Jehova Nyasaye nowacho ne Musa niya, “Paa kite ariyo machal gi mane okwongo ka kendo anandikie weche mane ni e kite mokwongo mane itoyo.

Wuok 34:1 ပူးပေါင်းရင်းမြစ်များ

Zaburi 119:89

A Ruoth Nyasacha, wachni ogurore e polo kendo nosik nyaka chieng’.

Wuok 24:12

Ruoth Nyasaye nowacho ni Musa niya, “Bi ira e got ku, mondo ibed ka. Abiro miyi kite mopamore ma asendikoe buche kod chike mondo ipuonj ji.”

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Wuok 32:16

Ne gin tich Nyasaye, kendo ndiko mane ni kuomgi ne mar Nyasaye.

Wuok 32:19

Kane Musa osesudo machiegni gi kambi, noneno nyaroya, kendo noneno ji ka miel, mi nokecho malich. Nowito kitego piny e tiend got mobarore.

Wuok 34:28

Omiyo Musa nobet gi Ruoth Nyasaye kanyo kuom ndalo piero ang’wen, odiechieng’ gotieno, ma ok ochiemo kata metho, kendo nondiko weche mag singruokno e kitego. Ne gin Chike Apar.

Wuok 34:4

Kuom mano Musa nopayo kite ariyo machal gi mokwongo. Kinyne gokinyi nodhi ewi got Sinai, kaka Ruoth Nyasaye nosechike koting’o kitego.

Jeremia 36:32

Bang’ mano, Jeremia nokawo, kitabu machielo, momiyo Baruk jandiko mare, mondikoe weche duto mane Jeremia owachone. Ne ondiko gimoro amora mane nie kitabu mane ruoth Jehoyakim osewang’o e mach. Bende Jeremia ne omedo weche mang’eny machal gi mokwongogo.

Rapar mar Chik 4:13

Nohulonu ratiro singruok ma koro notimo kodu, kochikou mondo urit singruokno, tiende ni rito Chike Apar, mane ondiko kuom kite ariyo mopamore.