Wuok 33:9 - MUMA MALER 2015

⁹ To kane Musa osedonjo e hema, bor polo ne lor piny kendo chung’ e dho hema ka Ruoth Nyasaye wuoyo gi Musa.

Motingʼo Loko Manyien

⁹ Kane Musa dhi e Hema to bor polo ne lor piny kendo siko e dhoot ka Jehova Nyasaye wuoyo gi Musa.

Wuok 33:9 ပူးပေါင်းရင်းမြစ်များ

Chakruok 17:22

Kane Nyasaye osewuoyo gi Ibrahim, nowuok moweyo Ibrahim kanyo.

Chakruok 18:33

Kane Ruoth Nyasaye osetieko loso gi Ibrahim noa, mi Ibrahim bende nodok e hembe.

Zaburi 99:7

Ne owuoyo kodgi gi e siro mar bor polo. Bang’e ne girito chike kod buche mane omiyogi.

Wuok 25:22

Kanyo ema naromie kodi, kendo ka an ewi raum e kind kerubi ariyo manie wi Sandug Rapar, anamiyi chikena duto, iter ni jo-Israel.

Wuok 31:18

Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Wuok 33:10

Kane ji oseneno ka bor polo ochung’ e dho hema kamano, ne gikulore giduto, ng’ato ka ng’ato e dho hembe owuon.

Wuok 33:11

Kamano Ruoth Nyasaye ne wuoyo gi Musa wang’ gi wang’ mana kaka ng’ato wuoyo gi wadgi. Bang’e Musa ne duogo e kambi. To Joshua wuod Nun, wuowi mane konye, ne dong’ mana e hema.

Wuok 33:8

Kinde duto kane Musa wuok dhi e hemano, ji duto ne a malo, kendo ng’ato ka ng’ato chung’ e dho hembe ka rango Musa nyaka donj e hema.

Wuok 34:3

Ng’ato kik idh kodi kuno, bende ng’at moro kik bed kamoro amora ewi godno, kata mana jamni kik kwa e alwora ne.”

Wuok 34:5

Eka Ruoth Nyasaye nolor e bor polo, mochung’ bute kanyo, mi ohulo nyinge ma JEHOVA.

Wuok 34:9

Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Ezekiel 3:22

Ne ayudo ka teko mar Ruoth Nyasaye obiro kuoma, mi awinjo kowachona niya, “A malo, mondo idhi oko e holo kuma abiro losoe kodi.”

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 7:89

To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.

Rapar mar Chik 31:14

Ruoth Nyasaye nowacho ni Musa niya, “Ibiro tho machiegni, omiyo luong Joshua udhi e Hemb Romo mondo akete e tich.” Omiyo Musa gi Joshua ne jodhi kaka nowachnigi,

Rapar mar Chik 31:15

kendo Ruoth Nyasaye nofwenyore e Hema ka nie bor polo mane ochung’ e dho Hema.