Wuok 33:6 - MUMA MALER 2015

⁶ Omiyo jo-Israel nogonyo bonjegi e got Horeb kanyo, kendo ne ok gichako girwakogi.

Motingʼo Loko Manyien

⁶ Kuom mano jo-Israel nogolo oko gik mane gilichogo dendgi ka gin e tiend Got Horeb.

Wuok 33:6 ပူးပေါင်းရင်းမြစ်များ

Wuok 33:4

Kane jo-Israel owinjo wach magerno, ne gichako ywak, mi onge ng’at ma norwako bonjene.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Wuok 32:3

Mi ji duto nogolo bonjegi, motero ni Harun.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

Wuok 33:5

Ruoth Nyasaye nowacho ni Musa niya, “Nyis jo-Israel ni gin joma tokgi tek, kendo ka da bed ni anyalo wuotho kodu kata kuom sa matin kende, to datieku te. Koro mondo gilony bonjegi, eka abiro ng’eyo gima anyalo timonigi.”

Wuok 33:7

Musa ne thoro golo hema e kambi kendo guro oko mochwalore. Nochake ni Hemb Romo, kendo ng’ato ang’ata mane dwaro penjo Nyasaye wach ne dhi kanyo.

Jona 3:5

Kane jo-Nineve owinjo gima Nyasaye nowacho, ne giyiego. Ne gigoyo milome mondo ji otue chiemo, kendo ne girwako piende gugru giduto, joma dongo gi joma tindo machalre.