Wuok 33:5 - MUMA MALER 2015

⁵ Ruoth Nyasaye nowacho ni Musa niya, “Nyis jo-Israel ni gin joma tokgi tek, kendo ka da bed ni anyalo wuotho kodu kata kuom sa matin kende, to datieku te. Koro mondo gilony bonjegi, eka abiro ng’eyo gima anyalo timonigi.”

Motingʼo Loko Manyien

⁵ Nimar Jehova Nyasaye nosewacho ni Musa niya, “Nyis jo-Israel kama, ‘Un oganda ma tokgi tek. Ka anyalo dhi kodu kata matin, to anyalo tiekou. Koro goluru oko gik mulichogo dendu eka anane gima anyalo timo kodu.’ ”

Wuok 33:5 ပူးပေါင်းရင်းမြစ်များ

Chakruok 18:21

Kuom mano, nyaka adhi ane ka ywak ma asewinjono en adier, ni mar nyaka ang’e adiera!”

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Ayub 34:20

Ji nyalo tho apoya gotieno. Nyasaye negogi mi gilal nono, kendo kata joma rateke onego ma ok othage.

Zaburi 139:23

Nona, A Nyasaye, mondo ing’e chunya. Ee, tema mondo ing’e parona.

Zaburi 73:19

Itiekogi ka diemo wang’! Masiche malich lal kodgi nono.

Wuok 32:9

Ruoth Nyasaye nomedo wacho ni Musa niya, “Aserango jogi, maneno ni gin joma wigi tek.

Wuok 33:6

Omiyo jo-Israel nogonyo bonjegi e got Horeb kanyo, kendo ne ok gichako girwakogi.

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Kwan 16:21

“Chung’uru mabor gi ogandani mondo atiekgi dichiel ka diemo wang’!”

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.