Wuok 32:9 - MUMA MALER 2015

⁹ Ruoth Nyasaye nomedo wacho ni Musa niya, “Aserango jogi, maneno ni gin joma wigi tek.

Motingʼo Loko Manyien

⁹ Jehova Nyasaye nowacho ne Musa niya, “Aseneno jogi kendo gin joma tokgi tek.

Wuok 32:9 ပူးပေါင်းရင်းမြစ်များ

2 Ruodhi 17:14

To kata kamano, ne gidagi weyo yorego, nikech ne wigi tek ka wi kweregi mane ok oyie kuom Ruoth Nyasaye ma Nyasachgi.

2 Weche mag Ndalo 30:8

Koro kik utim wichteko kaka kwereu notimo, to chiwreuru ni Ruoth Nyasaye, kendo udonj e Hekalu, ma Ruoth Nyasaye oseguedho mondo obed mare nyakachieng’. Tiuru ni Ruoth Nyasaye ma Nyasachu, mondo chunye olend kuom mirima mager ma en go kodu.

Nehemia 9:16

“To kwerewago ne jong’ayi, kendo tokgi ne tek, mi giketho chikni.

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Zaburi 78:8

Ok onego gichal gi kweregi mane wigi tek, kendo mane odagi luoro Nyasaye. Ne gin joma chunygi yomyom, kendo ma ok ogeno kuom Nyasaye.

Wuok 33:3

Anateru e piny momeu kendo machiek. To an awuon ok nadhi kodu, nimar dipo ka atiekou e yo, nikech un ji ma tokgi tek.”

Wuok 33:5

Ruoth Nyasaye nowacho ni Musa niya, “Nyis jo-Israel ni gin joma tokgi tek, kendo ka da bed ni anyalo wuotho kodu kata kuom sa matin kende, to datieku te. Koro mondo gilony bonjegi, eka abiro ng’eyo gima anyalo timonigi.”

Wuok 34:9

Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 48:4

Ne ang’eyo ni wiu tek ta, ka rwath ma ng’ute opong’, kendo ma pat wang’e tek ka lwanda.

Jeremia 13:27

Ruoth Nyasaye oseneno kaka utimo gik ma omon-go. Ulawo nyiseche manono e gode kendo e pewe, mana ka ng’at ma gombo chi wadgi, kendo ka faras ma dichwo ma lawo madhako! Un jo-Jerusalem urumo! Unuben maler karang’o?

Hosea 6:10

Aseneno ka gitimo gima mono e Israel. Joga osedwanyore kendgi kuom lamo nyiseche manono.

Kwan 14:11

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Rapar mar Chik 10:16

Kuom mano, koro nyaka uyie mako singruok gi chunyu duto, kendo kik umed bedo joma tokgi tek,

Rapar mar Chik 31:27

nimar ang’eyo ni un joma wigi tek ta. Usetamoru winjo Ruoth Nyasaye kata kapod angima ka an kodu. Koro kasetho to ubiro dage machal nadi?

Rapar mar Chik 9:13

“Bang’ mano Ruoth Nyasaye nowachona niya, ‘Aserango jogi, ma ayudo ni gin joma tokgi tek.

Rapar mar Chik 9:6

Kuom mano koro ng’euru ni Ruoth Nyasaye ma Nyasachu ok miu piny momewni nikech timbeu mabeyo, nimar ka adier, to un joma tokgi tek.