Wuok 32:4 - MUMA MALER 2015

⁴ Nokawo bonjego molenyo, eka noolo e gimoro mokuny iye e kido mar nyaroya, molosogo nyaroya. Jo-Israel nowacho niya, “Ma e nyasaye mane ogolowa e piny Misri!”

Motingʼo Loko Manyien

⁴ Nokawo gik mane omiyego monywaso kendo olosogo kido machalo gi mar nyaroya. Eka nowachonegi niya, “Magi e nyisecheu mane ogolou e piny Misri, yaye Israel.”

Wuok 32:4 ပူးပေါင်းရင်းမြစ်များ

1 Ruodhi 12:28

Omiyo ruoth Jeroboam noporo wach, moloso nyiruedhi ariyo mag dhahabu. Eka nowacho ni ji niya, “Un jo-Israel, usedhi Jerusalem moromo. Koro neuru nyisecheu mane ogolou e piny Misri!”

1 Ruodhi 12:32

Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

2 Ruodhi 10:20

Nochiko ni mondo olos chokruok mopwodhi mar lamo Baal. Mi ne gitimo kamano.

2 Ruodhi 10:29

Kata kamano, ne ok oweyo timo timbe maricho mane Jeroboam wuod Nebat omiyo jo-Israel otimo, nimar ji ne pod lamo nyiroye mag dhahabu mane ni Bethel gi mane ni Dan.

2 Weche mag Ndalo 11:15

Jeroboam noketo jodolone owuon e hembko mane ni kuonde moting’ore, kendo mondo odol ni kido mochue mag nyiseche manono kod nyiroye ma noseloso.

2 Weche mag Ndalo 13:8

“To koro uparo ni unyalo dagi loch ma Ruoth Nyasaye nomiyo nyikwa Daudi mana nikech ung’eny, kendo un gi nyiroye mag dhahabu mane Jeroboam omiyou mondo obed nyisecheu?

Nehemia 9:18

Ne giloso kido mar roya gi dhahabu moleny, mi giwacho ni mano e nyasachgi ma nogologi Misri, kendo ne gichayi ahinya.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 20:4

“Kik ulos kido moro mopa kata gima chalo gi gimoro manie polo malo, kata manie piny mwalo, kata mana manie pi ma e bwo piny.

Wuok 28:11

Ng’at molony e goro kidi ema nyaka ndik nying’ yawuot Israel e kite ariyogo, eka ichomgi e otunge mag dhahabu.

Wuok 28:9

Kaw kite ariyo mag berul mondo indikie nying yawuot Israel.

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Wuok 32:24

Omiyo nawachonigi mondo joma nigi dhahabu oded oko. Ne gimiya dhahabugo, mabolo e mach, mi nyaroyano ema owuok.”

Wuok 32:3

Mi ji duto nogolo bonjegi, motero ni Harun.

Wuok 32:35

Bang’e Ruoth Nyasaye nogoyo jo-Israel gi tuo kuom lamo nyaroya mane Harun oloso.

Wuok 32:5

To kane Harun owinjo gima giwachono, nogero kendo-mar-misango e nyim nyaroyano. Eka nogoyo milome, kowacho niya, “Kiny wanatim sawo mwamiyogo Ruoth Nyasaye duong’.”

Wuok 32:7

Ruoth Nyasaye nowacho ni Musa niya, “Lor piyopiyo, nikech jou mane igolo Misri osetimo marach.

Wuok 32:8

Piyopiyo nono giseweyo yo mane achikogi ni mondo giluw, mi giseloso nyaroch dhahabu mondo gilam. Gisekulorene, kendo gisetimone liswa, ka giwacho niya, ‘A jo-Israel, ma e nyasaye ma nogolowa e piny Misri.’ ”

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 46:6

Dupima gi nyasaye ma dhano loso koso? Joma dwaro nyasaye machal kamano kawo dhahabu mang’eny, kendo pimo fedha e ratil, eka gindiko jatheth mondo olosnigigo nyasayeno. Bang’e gilame ka giriere piny e nyime.

Ezekiel 23:8

Ne odhi adhiya nyime gi timbe chode mane osechako timo ka en Misri, kuma ne okethoree modoko jachode.

Hosea 10:5

Kihondko nomak joma odak Samaria, kendo giniywag nyaroya molos gi dhahabu man Bethel. Gin kaachiel gi jodolo matiyo ni nyasaye manonono noywag koneno ka itero girgi ma gigeno kuome Asuria

Hosea 13:2

To eka pod gimedo timo atima richo, kendo giloso kido mag fedha mondo gilam. Gikawo fedha ma gin-go, kendo gilosogo kido manono, ma dhano ema oparo, moloso gi lwete owuon. To bang’e giwacho niya, “Timnigiuru misengni.” To ere kaka ji nyalo nyodho kido manonogo, mana kido molos e kit rwath?

Tich Joote 17:29

“To koro kaka wan nyithind Nyasaye, ok onego wagal ni kit Nyasaye chalo gi kido moro amora molos gi dhahabu kata gi fedha kata gi kidi ma dhano molony kuom tichne oloso gi riekone.

Tich Joote 7:41

E ndalono ema ne gilosoe kido mar nyaroya, mi gitimone misango, kendo ne giloso sawo, ka gimiyogo gima gin giwegi ema giseloso duong’.

1 Jo-Korintho 10:7

Kik ulam nyiseche manono, kaka moko kuomgi nolamo, kaka wasomo e Muma ni, “Jo-Israel nobet piny mondo ocham kendo omadh gik ma otimgo misango, bang’e ne gia malo mondo gitug tugo maricho.”

Rapar mar Chik 9:16

Naneno ni useketho e nyim Ruoth Nyasaye kuom loso kido mar nyaroya gi dhahabu moleny, kendo ni piyopiyo nono, useweyo yo mane Ruoth Nyasaye ochikou mondo uluw.

Jong’ad Bura 8:24

Eka nomedo wacho niya, “Yieruru ng’ato kuomu mondo omiya stadi mugolo kuom gik moyaki.” (Jo-Midian mane giyakogo ne joma dak e thim, ma timgi en liero stadi mag dhahabu e itgi.)

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.