Wuok 32:34 - MUMA MALER 2015

³⁴ Koro dhiyo mondo itel ni ji nyaka kuma nasenyisi. Malaikana notel nyimi, to kinde biro chopo ma anakumgie kuom richogi.”

Motingʼo Loko Manyien

³⁴ To koro, dhiyo mondo itelne ji kiterogi kama ne awacho kendo malaikana biro telo nyimu. To kata kamano, ka kindena mar kum ochopo to anakumgi nikech richogi.”

Wuok 32:34 ပူးပေါင်းရင်းမြစ်များ

Zaburi 99:8

A Ruoth Nyasaye ma Nyasachwa, ne iwinjo ywak jogi, mi inyisogi ni in e Nyasaye ma ng’wono ni ji, kata obedo ni ne ikumogi kuom richogi kamano.

Wuok 15:17

A Ruoth Nyasaye, ibiro rwakogi, kendo ibiro chwoyogi ka kodhi e godi iwuon, kama niloso mondo obed kar dakni,

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 23:20

“Koro aoro malaika mondo otelnu e yo, koritou nyaka kuma aseiko.

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 33:12

Musa nowacho ni Ruoth Nyasaye niya, “En adier ni isenyisa mondo atel ni jogi nyaka piny Kanaan, to pok inyisa ng’at ma ibiro orago. To bende isewacho ni ing’eya maber, kendo imor koda.

Wuok 33:2

Anaor malaika mondo otel nyimu, kendo anariemb jo-Kanaan gi jo-Amor gi jo-Hiti gi jo-Perizi gi jo-Hivi kod jo-Jebus.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Jeremia 23:2

An Ruoth Nyasaye ma Nyasach Israel awuoyo kuom jotelo mane onego rit joga niya, ‘Usekeyo joga, mi uriembo, bende ok useritogi maber. Koro abiro kumou nikech gik maricho ma usetimo.

Jeremia 5:29

Donge abiro kumogi kuom mago duto? Ee, abiro chulo kuor ni ogandani. An Ruoth Nyasaye ema awacho kamano!”

Jeremia 5:9

Donge onego akumgi kuom gik ma kamago? Donge onego achul kuor ni oganda ma kama?.

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Amos 3:14

Chieng’ ma nakum jo-Israel kuom richogi, to naketh kende mag liswa man Bethel bende. Tunge mag kendogo nong’ad oko, mi ginipodh piny.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Kwan 20:16

to kane waywak ni Ruoth Nyasaye mondo okonywa, nowinjo ywakwa, mooro malaika mogolowa Misri, omiyo koro wan Kadesh, dala ma en tong’ pinyi.

Mathayo 23:35

Kamano unuyud kum kuom remb joma kare duto mosechuer e piny, chakre remb Habil nyaka remb Zakaria wuod Barakia, mane unego e kind Kama Ler gi kendo-mar-misango.

Rapar mar Chik 32:35

nyaka chop chieng’ ma abiro chuloe kuor kendo kumogi mana chieng’ ma tiendgi nokierie, mi gipodh piny? Chieng’ mar masira, ma gibiro rumoe sudonigi machiegni!’