Wuok 32:32 - MUMA MALER 2015

³² To koro yie iwenigi richogi. Ka ok iyie timo kamano, to kara yie iruch nyinga oko e kitabu misendiko.”

Motingʼo Loko Manyien

³² To koro kiyie, to wenegi richogi, to ka ok kamano, to ruch nyinga oko e kitabu misendikono.”

Wuok 32:32 ပူးပေါင်းရင်းမြစ်များ

2 Samuel 18:33

Ruoth nobwok ahinya, moidho e ot mane ni ewi dhorangach, koywak kama: “Yaye, Absalom wuoda, wuoda! Yaye, Absalom wuoda, mad an ema atho kari, Absalom wuoda, wuoda!”

Zaburi 139:16

Ne inena kapod ichueya ei ich, kendo ndalo mane oketna bende ne isendiko e kitapi ka pok ochak kwan-gi.

Zaburi 56:8

Ing’eyo chandruokna duto, kendo isendikogi e kitapi. Pi wang’a bende isekano.

Zaburi 69:28

Onego ruch nyinggi oko e kitap ngima, bende onego kik kwan-gi kaachiel gi joma kare.

Wuok 32:10

Koro weya mondo atiekgi gi mirimba mager. Bang’e anamiyi doko oganda maduong’.”

Isaya 4:3

Eka jogo ma odong’ Jerusalem ma moro ka moro ondik nyinge e kitap ngima, noluong ni joma ler.

Ezekiel 13:9

Achiegni kumou, un jonabi maneno fweny ma ok adier, kendo ma koro weche mag miriambo. Ok unubed e chokruok mar joga, kendo nyingu ok nondik kaachiel gi nying jo-Israel mamoko, bende ok unuchak udog e pinyu, mi unung’e ni an e Ruoth Nyasaye.

Daniel 12:1

“E kindeno, malaika maduong’ miluongo ni Mikael marito jou, biro thinyore. Enobed kinde mar chandruok marachie moloyo kendo ma pok oneye nyaka ne ogendini chak bet e piny. Ka kindeno ochopo, to ibiro res jou duto ma nyinggi ondiki e kitap Nyasaye.

Amos 7:2

E fwenyno naneno ka bonyogo osetieko chamo gimoro amora mang’ich e piny. Eka ne awacho niya, “A Ruoth Nyasaye, ng’wonni jogi, ma joka Jakobo. Ere kaka ginyalo resore, to ginok kamano?”

Malaki 3:16

Kane joma oluoro Ruoth Nyasaye owinjo wechego, ne giwuoyo e kindgi giwegi, kendo Ruoth Nyasaye nowinjo wechegi. Nying joma oluoro Ruoth Nyasaye kendo mamiye duong’ ne ondik e kitabu moro e nyime.

Malaki 3:17

Ruoth Nyasaye Manyalo Gik Moko Duto owacho niya, “Chieng’ ma ang’adoe bura, to ginibed joga awuon kendo ginibed mwanduna. Anabednigi mang’won mana kaka wuoro bedo mang’won ni wuode moluore.

Kwan 11:15

Omiyo ka mano e tich ma imiya, to kara ber mondo inega chuth. To kapo ni ikecha, to yie iwe miya thagruok makama.”

Kwan 11:25

Eka Ruoth Nyasaye nolor e bor polo mowuoyo kode, kendo okawo kuome teko moko mane osemiye, mi omiyo jodongo piero abiriyogo, kendo kane Roho osedonjo kuomgi ne gidhumore. To bang’ mano ne ok gidhumore kendo.

Kwan 14:19

Omiyo kaka ng’wononi thoth, we ni jogi richogi, mana kaka isetimo, chakre Misri nyaka koroni.”

Luka 10:20

To kik ubed mamor ni jochiende winjou, to beduru mamor mana nikech nyingu ondiki e polo.”

Luka 23:34

Yesu nowacho niya, “Wuora, wenigi, nikech gikia gima gitimo.” Askeche to nokawo lepe, mi gipogore gi ombulu.

Jo-Rumi 9:3

Dayie mondo an awuon Nyasaye okweda, mi gola kuom Kristo, kapo ni mano dikonygi.

Rapar mar Chik 25:19

Emomiyo ka Ruoth Nyasaye ma Nyasachu osemiyou kue kuom wasiku duto molworou e piny ma obiro miyou mondo obed mwanduu, to kik wiu wil mak utieko jo-Amalek, mi nyinggi lal e piny.

Rapar mar Chik 29:20

Ruoth Nyasaye ok nowe ni ng’atno richone, kendo mirimbe mager noliel kuome, mi kuong’ duto mondiki e kitabuni nomake kendo Ruoth Nyasaye noruch nyinge oko.

Rapar mar Chik 9:14

We mondo atiekgi, kendo ami nyinggi olal e piny duto. Bang’e anamiyi doko oganda maratego kendo maduong’ moloyogi.’

Jo-Filipi 4:3

To in owadwa maradier, bende akwayi mondo ikony mon-go, nikech gisetiyo koda matek kuom lando Injili, ka wan gi Klement kod jotich wetewa mamoko duto, ma nyingi ondiki e kitap ngima.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 21:27

To gimoro amora ma ok ler, kata ng’at matimo gik mamono, kata mariambo, ok nodonjie ngang’ to mak mana jogo ma nyinggi ondiki e kitap Nyarombo mar ngima.

Fweny 22:19

Bende ka ng’ato ogolo wach moro kuom weche mokor manie kitabuni, to Nyasaye nogol kuome pok ma doyudo kuom yadh ngima kendo kuom Dala Maler mondiki e kitabuni.”

Fweny 3:5

Ng’at molocho bende norwakne lewni marachere, mana kaka girwako, kendo ok naruch nyinge oko ngang’ e kitap ngima, to anahul nyinge e nyim Wuora, kendo e nyim malaika mage.