Wuok 32:31 - MUMA MALER 2015

³¹ Kamano Musa nodok ir Ruoth Nyasaye mowachone niya, “Yie iwinj wachna. Jogi osetimo richo maduong’ ahinya! Giseloso nyasaye mar dhahabu mondo gilam.

Motingʼo Loko Manyien

³¹ Kuom mano Musa nodok ir Jehova Nyasaye mowacho niya, “Yaye, mano kaka jogi osetimo richo malich, ma giseloso nyisechegi mag dhahabu.

Wuok 32:31 ပူးပေါင်းရင်းမြစ်များ

Ezra 9:15

A Ruoth Nyasaye ma Nyasach Israel, in jaadiera, nimar jowa manokgi koro osetony, kaka notimore e kinde mokwongo. Eri, wan joricho ma bura oloyo, to nikech richowago, onge ng’ato kuomwa manyalo chung’ e nyimi.”

Nehemia 9:18

Ne giloso kido mar roya gi dhahabu moleny, mi giwacho ni mano e nyasachgi ma nogologi Misri, kendo ne gichayi ahinya.

Nehemia 9:33

Isebedo ng’at makare kendo ma jaadiera kuom gik moko duto mosetimorenwa, to wan ema wasebedo kwatimo marach.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 20:4

“Kik ulos kido moro mopa kata gima chalo gi gimoro manie polo malo, kata manie piny mwalo, kata mana manie pi ma e bwo piny.

Wuok 32:30

Kinyne Musa nowacho ni ji niya, “Usetimo richo maduong’. To koro abiro idho got, mondo adhi ir Ruoth Nyasaye. Kamoro onyalo yie weyonu richou ka akwaye.”

Wuok 34:28

Omiyo Musa nobet gi Ruoth Nyasaye kanyo kuom ndalo piero ang’wen, odiechieng’ gotieno, ma ok ochiemo kata metho, kendo nondiko weche mag singruokno e kitego. Ne gin Chike Apar.

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Daniel 9:5

Waseketho, kendo wabedo joricho kwatimo marach. Wasedagi timo gima ne ichikowa ni mondo watim, mi waweyo chikeni gi bucheni.

Daniel 9:8

Ee, Ruoth Nyasaye, wan gi ruodhiwa gi jotendwa kod kwerewa wayudo wichkuot nikech wasetimo richo e nyimi.