Wuok 32:29 - MUMA MALER 2015

²⁹ Eka Musa nowachonigi kendo niya, “Kawuono usewaloru ni tich Nyasaye chuth, nikech usenego yawuotu kod oweteu, omiyo Ruoth Nyasaye oguedhou tinende.”

Motingʼo Loko Manyien

²⁹ Eka Musa nowacho niya, “Un osewalu ni Jehova Nyasaye kawuono nimar ne ulokoru gi oweteu gi yawuotu kendo Jehova Nyasaye osegwedhou kawuono.”

Wuok 32:29 ပူးပေါင်းရင်းမြစ်များ

2 Weche mag Ndalo 35:3

Eka nowuoyo gi jo-Lawi mane owal ni tich Ruoth Nyasaye, mane puonjo jo-Israel duto, kowachonigi niya, “Keturu Sanduk Maler e Hekalu mane Solomon wuod Daudi, ruodh Israel, ogero. Ok onego uting’e e goku kendo. Omiyo koro tiuru ni Ruoth Nyasaye ma Nyasachu, kendo ni joge Israel.

Wuok 32:28

Jo-Lawi notimo kaka Musa nosechikogi, kendo chieng’no ji alufu adek notho.

Wuok 32:30

Kinyne Musa nowacho ni ji niya, “Usetimo richo maduong’. To koro abiro idho got, mondo adhi ir Ruoth Nyasaye. Kamoro onyalo yie weyonu richou ka akwaye.”

Ngeche 21:3

Ruoth Nyasaye ohero mondo itim gik makare kendo mowinjore moloyo timone misengni.

Zekaria 13:3

Bang’ mano, ka ng’ato pod nodhi adhiya nyime gi koro wach, to wuon gi min nowachne niya, ‘Ok inichak ibed mangima kendo, nimar isewacho miriambo e nying Ruoth Nyasaye.’ Kamano wuon gi min nochwowe gi tong’, mi nege, kokoro wach.

Mathayo 10:37

Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata.