Wuok 32:27 - MUMA MALER 2015

²⁷ Nowachonigi niya, “Ruoth Nyasaye ma Nyasach Israel owacho ni, ng’ato ka ng’ato kuomu mondo orwak liganglane, kendo ong’ad e dier kambi koa e dhorangach ma koni nyaka dhorangach ma kocha. Ng’ato ka ng’ato mondo oneg owadgi gi osiepne kod ng’at modak bute.”

Motingʼo Loko Manyien

²⁷ Eka nowachonegi niya, “Ma e gima Jehova Nyasaye, ma Nyasach Israel wacho: ‘Ngʼato ka ngʼato okaw liganglane. Wuothuru ei kambi duto koni gi koni ka ngʼato ka ngʼato nego owadgi, osiepne kod ngʼat modak bute.’ ”

Wuok 32:27 ပူးပေါင်းရင်းမြစ်များ

2 Ruodhi 10:25

Kane Jehu osetieko wang’o misango, nowacho ni askechego kod jotendgi niya, “Donjuru, uneggi; kik uwe ng’ato tony!” Kane askechego kod jotendgi osenegogi, ne giwito ringregi oko. Eka ne gidonjo e od Baal maiye,

Wuok 32:26

nochung’ e dhoranga kambi, mogoyo koko niya, “Eke joma ni kor Ruoth Nyasaye? Biuru ira!” Mi jo-Lawi duto nochokore ire.

Wuok 32:28

Jo-Lawi notimo kaka Musa nosechikogi, kendo chieng’no ji alufu adek notho.

Wuok 32:29

Eka Musa nowachonigi kendo niya, “Kawuono usewaloru ni tich Nyasaye chuth, nikech usenego yawuotu kod oweteu, omiyo Ruoth Nyasaye oguedhou tinende.”

Ezekiel 9:5

To bende ne awinjo ka Nyasaye wacho ni ji auchiel ka niya, “Luwuru bang’ ng’atno kamoro amora modhiye e dala duto, kendo neguru ji, kik uwe kata ng’at achiel, bende kik ukechgi.

Kwan 25:5

Omiyo Musa nowacho ni jong’ad bura mag Israel niya, “Ng’ato ka ng’ato kuomu nyaka neg joge moselamo Baal-peor.”

Luka 14:26

“Ka ng’ato obiro ira, to ok ojwang’o wuon kod min, gi chiege gi nyithinde koda ka ngimane owuon, to ok onyal doko japuonjrena.

2 Jo-Korintho 5:16

Omiyo koro ok wanon tim ng’ato e yo ma dhano nonoe. Kata obedo ni ne wang’eyo Kristo e yorno, to koro ok wang’eye kamano.

Rapar mar Chik 13:10

Unugoye gi kite nyaka otho, nimar notemo hoyou mondo uwe Ruoth Nyasaye ma Nyasachu mane ogolou Misri kuma nubedoe wasumbni.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,