Wuok 32:2 - MUMA MALER 2015

² Harun nodwokogi niya, “Deduru bonje mag dhahabu ma mondu gi yawuotu kod nyiu orwako mondo ukelna.”

Motingʼo Loko Manyien

² Harun nodwokogi niya, “Kawuru sitadi mag dhahabu ma yawuotu kod nyiu orwako mondo ukelna.”

Wuok 32:2 ပူးပေါင်းရင်းမြစ်များ

Chakruok 24:22

Kane Rebeka osetieko omo pi ni ngamia, ng’atno nokawo tere mar um ma nengone tek, moketo e um Rebeka, kaachiel gi bangli ariyo mag dhahabu ma pekgi oromo achiel kuom apar mar kilo, moketo e bade.

Chakruok 24:47

Bang’e napenje niya, ‘In nyar ng’a?’ Nodwoka ni, ‘An nyar Bethuel, wuod Nahor gi Milka.’ Eka naketo tere e ume, kod bangli e bade,

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 32:3

Mi ji duto nogolo bonjegi, motero ni Harun.

Wuok 35:22

Mon gi chwo nobiro, kendo ng’ato ka ng’ato ma noyie golo chiwo nokelo ngaga gi sitadi gi bony gi mula kod gimoro amora maber mar dhahabu. Ji duto nokelo ni Ruoth Nyasaye chiwo mag dhahabu,

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Isaya 3:19

gi tigo ma giketo e ng’utgi, gi ronge mag lwedo, gi nanga miliero e ng’ut,

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Ezekiel 16:17

Ne ikawo gik mabeyo mag fedha gi dhahabu mane amiyi, mi ilosogo nyiseche manono machwo, kendo idwanyorigo.

Hosea 2:8

To pod ok ong’eyo ni an ema ne amiye cham gi divai kod mo, bende ok ongeyo ni an ema ne amiye fedha gi dhahabu mogundho, mane otiyogo kuom lamo Baal.