Wuok 32:1 - MUMA MALER 2015

¹ Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Motingʼo Loko Manyien

¹ Kane ji oneno ni Musa osedeko ewi got, negichokore ma gilworo Harun kendo giwachone niya, “Bi mondo ilosnwa nyiseche ma biro dhi nyimwa, nimar ok wangʼeyo gima osetimore ne Musa mane ogolowa ka waa e piny Misri.”

Wuok 32:1 ပူးပေါင်းရင်းမြစ်များ

Chakruok 19:14

Kuom mano Lut nodhi ir joma ne nywomo nyige, mowachonigi niya, “Ikreuru piyo mondo waa e dalani, nikech Ruoth Nyasaye biro kethe.” To ne giparo ni otugo.

Chakruok 21:26

Abimelek nodwoke niya, “Ok ang’eyo wachno, nikech pok inyisago, to kawuono ema akwongo winjee.”

Chakruok 39:8

To Josef nodagi, mowachone niya, “Ruodha ok ong’eyo gimoro amora manie ode, kendo oseketo gik moko duto e lweta.

Chakruok 44:15

Josef nopenjogi niya, “Ang’o musetimoni? Donge nung’eyo ni ng’atno maduong’ ka an nyalo koro wach, mong’e gima usetimo?”

Chakruok 44:4

To kane pok gidhi mabor ahinya gi dala, Josef nochiko jaduong’ ode niya, “Dhiyo ilaw joka, kendo kisejukogi, to mondo ipenjgi kama: ‘Mar ang’o uchulo richo kar ber?

Zaburi 106:19

Jo-Israel noloso nyaroya mar dhahabu ka gin Horeb, mi gilamo kido manonono.

Wuok 13:21

Godiechieng’ Ruoth Nyasaye notelo nyimgi kobet e siro mar bor polo, mondo onyisgi yo, to gotieno notelo nyimgi ei siro mar mach, mondo omenynigi ler. Kamano ne ginyalo wuotho odiechieng’ gotieno.

Wuok 14:11

Ne giwacho ni Musa niya, “Donge liete ni Misri? Ang’o momiyo nikelowa oko e thim ka, mondo wathoe? Koro neye gima isetimo kuom golowa Misri!

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 24:12

Ruoth Nyasaye nowacho ni Musa niya, “Bi ira e got ku, mondo ibed ka. Abiro miyi kite mopamore ma asendikoe buche kod chike mondo ipuonj ji.”

Wuok 24:18

Musa nodonjo e bor polono, modhi ewi got, kendo nobet kuno kuom ndalo piero ang’wen odiechieng gotieno.

Wuok 32:11

To Musa nohombo Ruoth Nyasaye ma Nyasache, kowachone niya, “A Ruoth Nyasaye, ang’o momiyo iwang’o jogi gi mirimbi? Donge gin jogi mane igolo Misri gi teko maduong’?

Wuok 32:22

Harun nodwoke niya, “Ruoth, kik ikechi. Ing’eyo ang’eya kaka chuny jogi richo.

Wuok 32:23

Ne giwachona niya, ‘Losnwa nyasaye mondo otelnwa, nikech wakia gima osetimo Musani, ma nogolowa e piny Misri.’

Wuok 32:7

Ruoth Nyasaye nowacho ni Musa niya, “Lor piyopiyo, nikech jou mane igolo Misri osetimo marach.

Wuok 33:3

Anateru e piny momeu kendo machiek. To an awuon ok nadhi kodu, nimar dipo ka atiekou e yo, nikech un ji ma tokgi tek.”

Ezekiel 20:8

“To ne gipiem koda, mi gitamore winja. Ne ok giwito nyiseche modwanyore mag Misri, kata weyo lamogi ne ok giweyo. Kuom mano, ne achano mondo atiekgi gi mirimba mager e piny Misri kuno.

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Kwan 14:22

akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim

Mathayo 24:43

Ng’euru ni ka wuon ot ong’eyo sa ma jakuo biroe, to dobed korito ode, motam jakuo turo.

Mathayo 24:48

To ka en jatich marach, to onyalo paro e chunye ni ruodhe biro deko kapok oduogo.

Tich Joote 17:29

“To koro kaka wan nyithind Nyasaye, ok onego wagal ni kit Nyasaye chalo gi kido moro amora molos gi dhahabu kata gi fedha kata gi kidi ma dhano molony kuom tichne oloso gi riekone.

Tich Joote 19:26

To uneno kendo uwinjo uwegi gima jal miluongo ni Pauloni timo! Opuonjo ji ni nyiseche ma dhano ema oloso, ok gin nyiseche kata matin, kendo wechenego oseywayo ji mang’eny mi oyie kode. To mano ok timre mana e Efeso kaeri kende, to ochiegni landore e piny Asia duto.

Tich Joote 7:40

Omiyo ne giwacho ni Harun ni, ‘Losnwa nyiseche moko mondo otelnwa, nikech wakia gima osetimo Musa mane ogolowa Misrini!’

Rapar mar Chik 31:8

Ruoth Nyasaye owuon biro teloni, kendo nobed kodi. Ok noweyi, bende ok nojwang’i, omiyo kik ibed maluor, kendo kik chunyi nyosre.”

Rapar mar Chik 9:1

“Winjuru un jo-Isarel. Kawuono ubiro ng’ado Jordan mondo udhi ukaw piny ogendini marateke kendo madongo moloyou, kaachiel gi mier mochiel gi ohinga mochopo e polo.

Rapar mar Chik 9:9

Noyudo ka asedhi ewi got mondo akaw kite mopamore mag singruok ma Ruoth Nyasaye otimo kodu, mi ne abet ewi got kuno kuom ndalo piero ang’wen, odiechieng’ gotieno, ka ok achiem kata ok amadh gimoro.

Joshua 7:13

“A malo! Luong ji duto, kendo chikgi mondo gipwodhre ka giikore ni gima kiny notimre. Nyisgi ni Ruoth Nyasaye ma Nyasach Israel owacho ni gisekawo gik mokwer, omiyo kapok gigolo gigo kuomgi, to ok ginyal siro wasikgi.

2 Petro 3:4

ka giwacho niya, “Donge ne osingore ni oduogo? To koro erego? Nyaka ne kwerewa tho, gik moko duto osiko ochwere, mana kaka ne gibet chakre chuech piny!”