Wuok 31:18 - MUMA MALER 2015

¹⁸ Kane Ruoth Nyasaye osetieko wuoyo gi Musa e got Sinai, nomiye kite mopamore ariyo mag rapar. Gin e kite ariyo mane Nyasaye ondikoe gi lith lwete.

Motingʼo Loko Manyien

¹⁸ Kane Jehova Nyasaye otieko wuoyo gi Musa ewi Got Sinai nomiye kite ariyo mopa mag rapar mane gin kite mopa ariyo ma Nyasaye nondikoe gi lwete owuon.

Wuok 31:18 ပူးပေါင်းရင်းမြစ်များ

2 Ruodhi 11:12

Eka Jehoyada nogolo wuod ruoth oko. Nosidhone osimb duong’, momiye kitap chik, kendo nowire gi mo mondo obed ruoth. Ji duto nopamo lwetgi, ka kok niya, “Ruoth mondo odag aming’a!”

Wuok 24:12

Ruoth Nyasaye nowacho ni Musa niya, “Bi ira e got ku, mondo ibed ka. Abiro miyi kite mopamore ma asendikoe buche kod chike mondo ipuonj ji.”

Wuok 24:18

Musa nodonjo e bor polono, modhi ewi got, kendo nobet kuno kuom ndalo piero ang’wen odiechieng gotieno.

Wuok 8:19

Eka ajuoke nowachoni Farao niya, “Ma en hond Nyasaye.” To wi Farao ne pod tek, kendo ne ok owinjo wach Musa gi Harun, mana kaka Ruoth Nyasaye nosenyiso.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Mathayo 12:28

To ka agolo jochiende gi teko mar Roho mar Nyasaye, to kara ng’euru ni Loch Nyasaye osechopo kuomu.

Luka 11:20

To ka agolo jochiende gi teko mar Nyasaye, to kara ng’euru ni Loch Nyasaye osechopo kuomu.

2 Jo-Korintho 3:3

Nenore ratiro ni un e barua moa kuom Kristo, mane wakelo. Ok en barua mondik gi wino, to ondiki gi Roho mar Nyasaye Mangima. Bende ok ondike e kite mopa, to ondike e chuny dhano.

Rapar mar Chik 10:4

Ruoth Nyasaye nondiko kuom kitego chike apar mane osewachonu gie mach ewi got chieng’ chokruok, mana kaka nosendiko e kite mokwongo ka, mi nomiyagi.

Rapar mar Chik 4:13

Nohulonu ratiro singruok ma koro notimo kodu, kochikou mondo urit singruokno, tiende ni rito Chike Apar, mane ondiko kuom kite ariyo mopamore.

Rapar mar Chik 5:22

“Ruoth Nyasaye nomiyou chikego ka uchokoru uduto e got. Noloso gi dwol maduong’ gie mach ei rumbi kod ong’weng’o mopoto, eka noweyo wuoyo. Bang’e nondiko chikego e kite ariyo mopamore, momiya.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.