Wuok 30:25 - MUMA MALER 2015

²⁵ Gigo ema mondo ilosgo mor wir maler mang’ue ng’ar, mana kaka jalos gik mang’ue ng’ar loso. Mano nobed mor wir maler.

Motingʼo Loko Manyien

²⁵ Riw gigi duto mondo ilos mor pwodhruok maler madungʼ tik mangʼwe ngʼar mana kaka ngʼat molony e loso gik mangʼwe ngʼar loso. Enobed mor pwodhruok maler.

Wuok 30:25 ပူးပေါင်းရင်းမြစ်များ

1 Ruodhi 1:39

Zadok jadolo nokawo tung’ mar mo mane ogolo e Hemb Nyasaye, mowirogo Solomon kuno. Eka ne gigoyo tung’, kendo ji duto nokok niya, “Ruoth Solomon mondo odag aming’a!”

1 Weche mag Ndalo 9:30

To jodolo ema neruwo gik mang’ue ng’argo.

Zaburi 133:2

Dak ma kamano chalo gi mo ma nengone tek, mowirgo wi Harun, kendo chuer ka mol e tike nyaka riak lawe.

Zaburi 89:20

Aseyiero Daudi jatichna, mi awire gi mo ka akete ruoth.

Wuok 28:41

Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Wuok 29:21

“Kaw remo moko manie wi kendo-mar-misango, kod mor wir, mi ikir kuom Harun gi yawuote, kendo kuom lepgi, kamano Harun gi yawuote kaachiel gi lepgi nodok maler.

Wuok 29:7

Eka ikaw mor wir, iol e wiye kiwalego.

Wuok 30:24

gi kasia kilo apar, (duto nyaka pim gi rapim mitiyogo e tich Nyasaye,) kod mor zeituni moromo lita abiriyo.

Wuok 30:32

Kik konyruok kode kuom wiro joma ok jodolo, bende kik ulos mo moro machal kode. En mo mowal maler, kendo nyaka obednu kamano.

Wuok 30:35

mondo ilosgo ubani mang’ue ng’ar, kaka jalos gik mang’ue ng’ar loso. Nobed gima ler, kendo mowal ni tich Nyasaye.

Wuok 35:15

gi kendo-mar-misango miwang’oe ubani kaachiel gi ludhene, kod mor wir gi ubani mang’ue ng’ar, gi pasia manie dho hema,

Wuok 37:29

Noloso bende mo maler mar wir, kod ubani maler mang’ue ngar.

Wuok 40:9

“Eka ikaw mor wir, iwirgo Hema Maler kod gik moko duto manie iye. Kamano inipwodhe kaachiel gi gige duto mondo obed gima ler ahinya.

Eklesiastes 10:1

Kaka lwang’ni motho nyalo ketho mo mang’ue ng’ar mi dum tik marach, e kaka fuwo matin nono bende nyalo ketho rieko maduong’.

Tim jo-Lawi 8:10

Bang’e Musa nokawo mor wir, mowirogo Hema Maler kod gik moko duto mane ni e iye, kopwodhogi ni tich Nyasaye.

Tim jo-Lawi 8:2

“Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Kwan 35:25

Oganda nyaka kony janekno kuom kuor ma owadgi ng’at monegi dochulone, mi gidwoke e dala tony, kuma ne otonyie mokwongo. Enobed kuno nyaka jadolo maduong’ tho.

Jo-Hibrania 1:9

Ihero timbe makare, to imon gi timbe maricho. A Nyasaye, mano emomiyo Nyasachi oseyieri ruoth, mowiri gi mo, komiyi mor mang’eny moloyo mor mosemiyo jowadu.”