Wuok 30:13 - MUMA MALER 2015

¹³ Ng’ato ka ng’ato mokwan nyaka chul nus shekel mondo obed chiwo ni Ruoth Nyasaye, (shekel achiel oromo gera piero ariyo, kopim gi rapim mitiyogo e tich Nyasaye.)

Motingʼo Loko Manyien

¹³ Ngʼato angʼata moriwore gi joma osekwan nyaka chiw nus shekel kaluwore gi kweno mar shekel manie kama ler mar lemo, ma pekne romo kilo auchiel. Nus shekel mochiwo nobed mar Jehova Nyasaye.

Wuok 30:13 ပူးပေါင်းရင်းမြစ်များ

Chakruok 23:15

“Jaduong’ nengo lowono oromo nus kilo mar fedha, to mano ok owinjore thagwa.”

2 Ruodhi 12:4

Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

2 Ruodhi 12:5

Tiuru gi pesago kuom kuonde mokethore e Hekalu.”

Wuok 30:14

Nga’to ka ng’ato mokwan ma hike oromo piero ariyo kata mokadho kanyo nyaka chul Ruoth Nyasaye chiwono.

Wuok 38:24

Kar romb dhahabu duto mane otigo kuom loso Kama Ler ne romo kilo alufu achiel gi mia ariyo kod piero adek, kipimo gi rapim mitiyogo e tich Nyasaye. Dhahabugo duto nochiw ka mich mowal ni Ruoth Nyasaye.

Wuok 38:26

Fedhago ema ne ochok ka ne ng’ato ka ng’ato mokwan ogolo nus-shekel, nimar kar romb joma ne okwan ma hikgi oromo piero ariyo kata mokadho kanyo ne alufu mia auchiel gadek, kod mia abich gi piero abich (603,550). Nus shekelno nopim gi rapim mitiyogo tich Nyasaye.

Ezekiel 45:12

“Bende rapim mag pek gik moko nyaka chal kama: Gera piero ariyo nyaka bed maromre gi shekel achiel, kendo shekel piero auchiel nyaka bed maromre gi mina achiel.

Tim jo-Lawi 27:25

(Nengo ka nengo nopim gi shekel mitiyogo e tich Nyasaye. Shekel achiel romre gi gera piero ariyo.)

Tim jo-Lawi 27:3

Ng’ama dichwo ma hike ni e kind piero ariyo gi piero auchiel nowar gi shekel piero abich mag fedha, (ma gin shekel mitiyogo e tich Nyasaye.)

Tim jo-Lawi 5:15

Ka ng’ato oboth, moketho, mi ok ochiwo gima onego ochiw ni Ruoth Nyasaye, to nyaka okelni Ruoth Nyasaye im maonge songa, mondo otimgo misango mipwodhogo ketho mar gowi. Nengo imno nyaka pim gi shekel mar fedha mitiyogo e tich Nyasaye. En misango mar golo ketho.

Kwan 18:16

Ka gisetieko due achiel, to nyaka wargi gi shekel abich abich, mopim gi rapim mitiyogo e tich Nyasaye (shekel achiel oromo gera piero ariyo.)

Kwan 3:47

omiyo nyaka uwar joma odong’go gi shekel abich abich, kipimo gi shekel mitiyogo e tich Nyasaye. (Shekel achiel romre gi gera piero ariyo.)

Kwan 7:67

Nochiwo nyalaro mar fedha ma pekne romo kilo mia achiel gi piero adek, kopim gi rapim mitiyogo e tich Nyasaye, gi tawo mar fedha ma pekne shekel piero abiriyo. Giduto ne giting’o mogo moruw gi mo mitimogo misango mar cham.

Kwan 7:86

Kikombe apar gariyo ma ubani opong’ogo, moro ka moro pekne ne romo shekel apar kipimo gi rapim mitiyogo e tich Nyasaye. Kamano kar romb pek dhahabu mag kikombego ne romo shekel mia achiel gi piero ariyo.

Mathayo 17:24

Kane Yesu gi jopuonjrene ochopo Kapernaum, josol osuch Hekalu nobiro ir Petro, mopenje ni, “Bende japuonju golo osuch Hekalu?” (Osuch Hekalu ne en nus-shekel.)

Mathayo 21:12

Yesu nodonjo e Hekalu, moriembo ji duto mane loko ohala kendo ng’iewo gik moko kanyo. Nokawo mesni mag jowil pesa, kod kombe mag jolok akuche, mogoyo piny.

Mathayo 27:24

Kane Pilato oneno ni ok ginyal yie kode, kendo tulo ema dwaro wuok, nokawo pi, mologo e nyim ji, kowacho niya, “An aonge bura kuom remb ng’atni. Mano en wachu!”