Wuok 30:10 - MUMA MALER 2015

¹⁰ Harun nyaka mien tunge kendono gi remb chiayo mitimogo misango mar golo richo higa ka higa, kopwodhego. Nyaka tim kamano dichiel e higa kuom tienge duto mondo opwodhego. Kendono nobed maler moloyo, mowal ni Ruoth Nyasaye.”

Motingʼo Loko Manyien

¹⁰ Harun nochiw misango mar pwodho tunge kendono dichiel e higa. Chiwo mar higa ka higa mar pwodhruok nyaka tim gi remb misango mar golo richo ni tienge duto mabiro. Kendono nobed maler moloyo ni Jehova Nyasaye.”

Wuok 30:10 ပူးပေါင်းရင်းမြစ်များ

1 Ruodhi 1:50

Adonija bende noluoro Solomon, mi nodhi, momako tunge mag kendo-mar-misango.

1 Weche mag Ndalo 6:49

To Harun gi dhoode ema ne tiyo tije duto mag Kama Ler Moloyo, kaka Musa jatich Nyasaye nochiko. Ne gitimo misango e kendo-mar-misango, kendo ne giwang’o ubani e kendo mar ubani, kendo ne gitimo misango migologo richo mag jo-Israel.

Wuok 30:11

Ruoth Nyasaye nowacho ni Musa niya,

Wuok 30:9

Kendono kik wang’ie ubani ma ok owinjore, kata misango miwang’o pep, kata mar cham, kata mana mano miolo piny.

Tim jo-Lawi 16:16

Mano e kaka enopwodh Kama Ler kuom timbe mogak ma jo-Israel osedwanyego, kendo kuom timbe mane giweyogo Ruoth Nyasaye, tiende ni richogo duto. Kamano bende e kaka nopwodh Hemb Romo manie diergi, kama timbegi ogakie.

Tim jo-Lawi 16:18

Bang’e nowuog oko e kendo-mar-misango manie nyim Ruoth Nyasaye, mi nopwodh kendono. Nokaw remb rwath moko kod remb diel moko mi nomien-go tunge duto mag kendo-mar-misango,

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Tim jo-Lawi 23:27

mondo onyis jo-Isarel niya, “Due apar due mar abiriyono nobednu chieng’ migolonue richo. Enobed chokruok maler ma nyaka uriye kech, kendo uchiwie ni Ruoth Nyasaye misango miwang’o.

Tim jo-Lawi 4:18

Bang’ mano nomien remo moko e tunge kendo-mar-misango man e nyim Ruoth Nyasaye ei Hemb Romo, kendo nopuk remo duto modong’ e tiend kendo-mar-misango miwang’o pep man e dho Hemb Romo.

Tim jo-Lawi 4:7

Bang’ mano, jadolono nomien remo moko e tunge kendo-mar-misango miwang’oe ubani e nyim Ruoth Nyasaye ei Hemb Romo, to nopuk remo duto modong’ e tiend kendo-mar-misango miwang’o pep manie dho Hemb Romo.

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 9:25

Ok odonj mondo ochiwre pile, kaka jadolo maduong’ donjo Kama Ler higa ka higa gi remb chiayo,

Jo-Hibrania 9:7

Hema mar ariyo to jadolo maduong’ kende ema donjoe nyadichiel higa ka higa. To bende ok onyal donjo kanyo ka oonge gi remo ma ochiwo mondo obed misango mopwodhogo richone owuon, kendo mopwodhogo richo ma oganda otimo ka ok ong’eyo.

Fweny 9:13

Bang’ mano, malaika mar auchiel nogoyo tung’ne, mi awinjo dwol moro moa e tunge ang’wen mag kendo-mar-misango mar dhahabu manie nyim Nyasaye.