Wuok 30:1 - MUMA MALER 2015

¹ “Los kendo-mar-misango mar wang’o ubani, gi yiend shita.

Motingʼo Loko Manyien

¹ “Los kendo mar misango miwangʼoe ubani gi yiend siala.

Wuok 30:1 ပူးပေါင်းရင်းမြစ်များ

1 Ruodhi 6:20

Ot ma iyeno, borne gi lachne kod borne modhi malo noromo mita apar, kendo Solomon nobawe gi dhahabu maler. To bende noloso kendo-mar-misango gi bap sida.

1 Ruodhi 6:22

Kamano nobawo ot duto gi dhahabu, kaachiel gi kendo-mar-misango mane nie ot ma iye.

1 Ruodhi 7:48

Solomon noloso gik moko duto mag Od Ruoth Nyasaye. Noloso kendo-mar-misango mar dhahabu ma ting’o makati miketo e nyim Ruoth Nyasaye;

1 Weche mag Ndalo 28:18

gi kendo miwang’oe ubani, kod gach lweny mar dhahabu maler, ma tiende ni kerubi moyaro bwombegi mondo oumgo Sandug Muma mar Ruoth Nyasaye.

1 Weche mag Ndalo 6:49

To Harun gi dhoode ema ne tiyo tije duto mag Kama Ler Moloyo, kaka Musa jatich Nyasaye nochiko. Ne gitimo misango e kendo-mar-misango, kendo ne giwang’o ubani e kendo mar ubani, kendo ne gitimo misango migologo richo mag jo-Israel.

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

Wuok 30:10

Harun nyaka mien tunge kendono gi remb chiayo mitimogo misango mar golo richo higa ka higa, kopwodhego. Nyaka tim kamano dichiel e higa kuom tienge duto mondo opwodhego. Kendono nobed maler moloyo, mowal ni Ruoth Nyasaye.”

Wuok 30:2

Borne gi lachne obed nus mita maromre, to borne modhi malo obed mita achiel. Tungene nyaka bed gimoro achiel kode.

Wuok 31:8

kaka mesa gi gige, kod rachung taya mag dhahabu maler gi gige,

Wuok 35:15

gi kendo-mar-misango miwang’oe ubani kaachiel gi ludhene, kod mor wir gi ubani mang’ue ng’ar, gi pasia manie dho hema,

Wuok 39:38

gi kendo mar dhahabu, gi mor wir, gi ubani mang’ue ng’ar, gi pasia mar dho Hema,

Wuok 40:5

Ket kendo miwang’oe ubani e nyim Sandug Rapar, kendo igeng’ dho Hema Maler gi pasia.

Ezekiel 41:22

E nyim dhoot midonjogo Kama Ler Moloyo ne nitie gimoro molos gi bao machalo kendo-mar-misango. Borne modhi malo ne mita achiel gi nus, to lachne mita achiel. Sirni mane nie kona mage, kaachiel gi siandane kod bethene, duto ne mag bao. Ng’atno nonyisa niya, “Mano e mesa mochung’ e nyim Ruoth Nyasaye.”

Tim jo-Lawi 4:18

Bang’ mano nomien remo moko e tunge kendo-mar-misango man e nyim Ruoth Nyasaye ei Hemb Romo, kendo nopuk remo duto modong’ e tiend kendo-mar-misango miwang’o pep man e dho Hemb Romo.

Tim jo-Lawi 4:7

Bang’ mano, jadolono nomien remo moko e tunge kendo-mar-misango miwang’oe ubani e nyim Ruoth Nyasaye ei Hemb Romo, to nopuk remo duto modong’ e tiend kendo-mar-misango miwang’o pep manie dho Hemb Romo.

Kwan 3:31

kendo ne omigi tich rito Sandug Muma gi mesa gi rachung taya gi kende mag misango gi gik moko duto mitiyogo e lemo, kod pasia gi gige duto.

Kwan 4:11

Ginipedh law mambulu e mesa mar dhahabu kendo giniume gi piende monyong’. Bang’e ginirwakne ludhe miting’ego.

Jo-Hibrania 9:4

Ei hemano ne nitie kendo-mar-misango molos gi dhahabu miwang’oe ubani, kod Sandug Muma, gi ludh Harun mane oloth, kod kite mopa mondikie Singruok.

Fweny 8:3

Eka malaika moro nobiro mochung’ e nyim kendo-mar-misango, ka en gi tap ubani mar dhahabu. Ne omiye ubani mathoth mondo ochiw gi lemo mar jo-Nyasaye duto e kendo-mar-misango mar dhahabu mane ni e nyim kom duong’.