Wuok 3:9 - MUMA MALER 2015

⁹ Asewinjo ywak jo-Israel, kendo aneno kaka jo-Misri thirogi malit.

Motingʼo Loko Manyien

⁹ Koro ywak jo-Israel osechopona, kendo aseneno kaka jo-Misri sandogi.

Wuok 3:9 ပူးပေါင်းရင်းမြစ်များ

Chakruok 16:11

“In gi ich, kendo ibiro nywolo nyathi ma wuowi. Inichak nyinge ni Ishmael, tiende ni, ‘Nyasaye winjo’, nikech Ruoth Nyasaye osewinjo chandruokni.

Chakruok 31:12

Nowachona niya, ‘Neye kaka nyuogi duto ma luwo diek gin rang’eye gi raponda kod ma kitgi okiko okiko. Mano timore nikech aseneno gik moko duto ma Laban timoni.

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

Nehemia 9:9

“Bende nineno masiche mane kwerewa oyudo e piny Misri, kendo niwinjo ywakgi e Nam Makwar.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 1:22

Bang’e Farao nochiko joge duto niya, “Nyithindo ma chwo duto ma jo-Hibrania onywolo, mondo uwit e aora Nael, to nyiri uwe odongi.”

Wuok 1:8

Koro ruoth manyien mane ok ong’eyo wach Josef nochako tich e Misri.

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 2:25

Noneno kaka jo-Israel thagore, mi wachno nodonjone malit!

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Eklesiastes 4:1

Bang’e ne achako arango timbe ma isandogo ji e pinyni, mi ne aneno joma isando kaywak, to onge ng’ama konygi, nikech joma ne sandogi ne nigi teko mathoth.

Eklesiastes 5:8

Ka ineno ka piny moro sando joge modhier, ka timonigi marach, kendo tuonogi gik monego giyudi, to kik ibuogi, nimar jatelo ka jatelo nigi ng’at moloye gi duong’, kendo giduto bende gin gi joma dongonigi.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Rapar mar Chik 26:7

Ne waywak ni Ruoth Nyasaye ma Nyasach kwerewa mondo okonywa, mi nowinjo ywakwa, kendo oneno thagruok gi nyor mane inyorowago, kod tich matek mane watiyo.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”