Wuok 3:8 - MUMA MALER 2015

⁸ Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Motingʼo Loko Manyien

⁸ Omiyo aselor mondo aresgi e lwet jo-Misri kendo agolgi e pinyno mondo akelgi e piny maber kendo malach, ma en piny mopongʼ gi chak kod mor kich. En piny jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus.

Wuok 3:8 ပူးပေါင်းရင်းမြစ်များ

Chakruok 11:5

Eka Ruoth Nyasaye nolor piny mondo one dala kod gorofa mabor mane dhano osegero,

Chakruok 11:7

Omiyo wadhi wapog dhogi, mondo ng’ato ka ng’ato kik winj dho wadgi.”

Chakruok 15:13

Eka Ruoth Nyasaye nowachone niya, “Nyikwayi nobed jodak e piny ma ok margi. Ginibed wasumbini kuno, kendo nosandgi kuom higni mia ang’wen.

Chakruok 15:14

To nakum jopiny ma notimnigi kamano, kendo bang’e ginia kuno gi mwandu mogundho.

Chakruok 18:21

Kuom mano, nyaka adhi ane ka ywak ma asewinjono en adier, ni mar nyaka ang’e adiera!”

Chakruok 43:11

Israel wuon-gi nowachonigi niya, “Ka ochuno ni nyaka bed mana kamano, to ara timuru. To kawuru gik moko mabeyo mag pinyni, machalo dwogo gi mor kich gi gik mang’ue ng’ar, gi manemane, kod olembe moko, mondo uting’ e ogundeu, uter ni ng’atno kaka chiwo.

Chakruok 46:4

Abiro dhi kodi Misri, kendo an ema nadwok nyikwayi ka. Bende Josef noyuo wang’i sa thoni.”

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

1 Weche mag Ndalo 1:15

gi jo-Hivi gi jo-Arki gi jo-Sini

Nehemia 9:8

Niyudo ka en ng’at ma jaadiera e nyimi, mi nitimo kode singruok ni ibiro miye piny mane jo-Kanaan gi jo-Hiti gi jo-Amor gi jo-Perzi gi jo-Jebus kod jo-Girgash odakie, mondo obed mare gi nyikwaye. Kendo nichopo singruokno, nikech in jaadiera.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Zaburi 34:8

Neye kendi kaka Ruoth Nyasaye ber! Ng’at ma ogeno kuome en jahawi.

Zaburi 91:15

Ka giywakna, to nadwokgi, kendo ka gin e chandruok, to anabed kodgi. Anaresgi, kendo anami gibed joma oluor.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 13:5

Ruoth Nyasaye nosingore ni kwereu ni nomiu piny momew kendo machiek ahinya ma jo-Kanaan gi jo-Hiti gi jo-Amor gi jo-Hivi gi jo-Jebus odakie. Ka Ruoth Nyasaye oseterou kuno, to nyaka utim sawoni e due nogoni.

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Wuok 5:23

Chakre kinde ma nabiroe ir Farao ma awuoyo e nyingi, ose mana bedo kosando jogi, to in pok itimoe gimoro mondo iresgi.”

Isaya 36:17

nyaka chop abi mi agolu kendo ateru e piny machal gi pinyuni. En piny ma cham gi mzabibu chiekie maber, kendo ma makati gi divai ng’enyie.

Isaya 64:1

Mad ibar polo ilor piny, mondo imi gode oleny e nyimi,

Jeremia 11:5

Bang’e eka anachop singruok mane atimo gi kweregi ni namigi piny maber kendo momew, ma koro gintieni.” Jeremia nodwoko Ruoth Nyasaye niya, “Ee, ayie timo kamano.”

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Jeremia 32:22

Ne imiyogi piny maber kendo momewni, mana kaka nisesingori ni kweregi.

Ezekiel 20:6

Mano e kinde mane asingorae ni abiro gologi e Misri mondo atergi e piny momew kendo maberie moloyo pinje mamoko duto, mane aseyieronigi.

Tim jo-Lawi 20:24

Ne gitimo gik marichogo duto, mi asin kodgi, omiyo nawachonu ni abiro miyou pinygi maber kendo momewno mondo ukaw. An e Ruoth Nyasaye ma Nyasachu mosepogou gi ogendini mamoko,

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Kwan 13:18

Chenguru kaka pinyno chalo, kendo ka ji modak kuno rateke kata nyap, bende kata ka ginok kata ging’eny

Kwan 13:19

Ranguru ane ka kit piny ma gidakieno ber kata rach, kendo kata ka mier ma gidakie ochiel motegno kata mayomyom,

Kwan 13:27

To ne giwacho ni Musa niya, “Ne wadhi mwawuotho e piny mane iorowa,

Johana 3:13

Onge ng’at mosedhi e polo, mak mana Wuod Dhano, mane olor oa e polo.

Johana 6:38

nikech ok aselor aa e polo mondo atim gik ma Jal mane oora dwaro.

Rapar mar Chik 1:25

Ne gikawo gik monyak e pinyno, mi gikelonwa, ka ginyisowa ni piny ma Ruoth Nyasaye ma Nyasachwa dwaro miyowano en piny maber ahinya.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 27:3

Ndikuru kuomgi weche duto mag chikni, mondo udonji e piny maber momew ma Ruoth Nyasaye ma Nyasachu nosingore ni kwereu ni nomiu.

Rapar mar Chik 28:11

“Ruoth Nyasaye biro miyo udhi maber. Ubiro bedo gi nyithindo mang’eny, kendo gi jamni mathoth, kod cham mogundho e piny mane Ruoth Nyasaye osingore ni kwereu ni nomiu.

Rapar mar Chik 6:3

Omiyo un jo-Israel winjuru kendo rituru chikego mondo udag maber kendo unya e piny maber kendo momewno, mana kaka Ruoth Nyasaye ma Nyasach kwereu nosingorenu.

Rapar mar Chik 7:1

“Ka Ruoth Nyasaye ma Nyasachu oterou mondo ukaw piny ma ubiro dhiyoeno, noriembnu ogendini abiriyo madongo kendo marateke moloyou, ma gin jo-Hiti, gi jo-Girgash gi jo-Amor gi jo-Kanaan gi jo-Perizi gi jo-Hivi kod jo-Jebus.

Joshua 5:6

Jo-Israel nosewuotho e thim kuom higni piero ang’wen, kendo joma dongo duto mane oa Misri koseromo kedo nosetho, nikech ne ok girito chik Ruoth Nyasaye. Ruoth Nyasaye noramo ni ok nowe gine piny momew kendo man gi mwandu mane osesingore ni kwerewa ni nomiwa.

Joshua 9:1

Ruodhi duto ma nodak yo podho chieng’ mar Jordan nowinjo humb wechego. Ne gin ruodhi mag jo-Hiti, gi mag jo-Amor, gi mag jo-Kanaan, gi mag jo-Perizi, gi mag jo-Hivi, kod mag jo-Jebus, mane gin ogendini modak e gode, gi pewe kod e dho Nam Mediterenia nyaka Lebanon yo nyandwat.

Joshua 9:7

To jo-Israel nodwoko jo-Hivigo niya, “Ang’o ma dimi watim kodu winjruok mar kue? Kamoro udak mana machiegni kodwa.”