Wuok 3:7 - MUMA MALER 2015

⁷ Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Motingʼo Loko Manyien

⁷ Eka Jehova Nyasaye nowacho niya, “Chutho aseneno thagruok mar joga e piny Misri. Asewinjo ywakgi nikech joma chunogi e tich mar wasumbini kendo angʼeyo thagruokgi.

Wuok 3:7 ပူးပေါင်းရင်းမြစ်များ

Chakruok 16:11

“In gi ich, kendo ibiro nywolo nyathi ma wuowi. Inichak nyinge ni Ishmael, tiende ni, ‘Nyasaye winjo’, nikech Ruoth Nyasaye osewinjo chandruokni.

Chakruok 18:21

Kuom mano, nyaka adhi ane ka ywak ma asewinjono en adier, ni mar nyaka ang’e adiera!”

Chakruok 21:17

Nyasaye nowinjo ka nyathi ywak, mi malaika mar Nyasaye nowuoyo gi Hagar gi e polo, kapenje niya, “Ang’o machandi Hagar? Kik iluor, nimar Nyasaye osewinjo ywak nyathi.

Chakruok 29:32

Lea nomako ich, monywolo nyathi ma wuowi. Nowacho niya, “Ruoth Nyasaye oseneno chandruokna, kendo koro chwora biro hera.” Omiyo nochako wuodeno ni Reuben, (tiende ni Nyasaye oseneno chandruokna.)

Chakruok 31:12

Nowachona niya, ‘Neye kaka nyuogi duto ma luwo diek gin rang’eye gi raponda kod ma kitgi okiko okiko. Mano timore nikech aseneno gik moko duto ma Laban timoni.

Chakruok 31:42

Ka dine Nyasach Ibrahim kwara mane Isaka bende lamo, ok ni koda, to dine iseriemba gi lweta nono. To Nyasaye noneno kaka natiyo matek, kendo kaka nachandora, omiyo nyoro okweri gotieno ni kik itimna gimoro marach.”

2 Samuel 22:28

Ireso joma muol, to josunga idwoko piny.

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

Nehemia 9:9

“Bende nineno masiche mane kwerewa oyudo e piny Misri, kendo niwinjo ywakgi e Nam Makwar.

Zaburi 106:44

Kata kamano, kane giywak, to nowinjogi, mi oneno chandruok ma gin go.

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Zaburi 142:3

E sa ma chunya chiegni nyosore, to ong’eyo gima onego atim. Wasika osechiko obadho e yo ma aluwo!

Zaburi 145:19

Ji duto ma oluore, omiyo gik moko duto ma gichando, bende owinjo ywakgi, kendo oresogi.

Zaburi 22:24

nimar ok ojwang’ jochan, bende ok opand wang’e ni chandruokgi. Ok obolrenigi gi chien, to okonyogi ka gikwaye.

Zaburi 34:4

Ne aywak ni Ruoth Nyasaye, mi odwoka, kendo ne otiekona luoro duto mane omaka.

Zaburi 34:6

Joma ok nyal konyore kendgi ywakne mondo okony, kendo owinjogi. Ee, okonyogi e chandruok duto ma gin-go.

Zaburi 35:22

To in Ruoth Nyasaye, isewinjo gima giwachono. Emomiyo kik iling’, kendo kik ibed mabor koda.

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 1:8

Koro ruoth manyien mane ok ong’eyo wach Josef nochako tich e Misri.

Wuok 22:23

Ka uthagogi, mi giywakna mondo akonygi, to anawinjgi,

Wuok 33:13

Ka imor koda kamano, to koro akwayi mondo ipuonja yoreni mondo ang’eyi, kendo imed bedo mamor koda. To bende ng’e malong’o ni jogi gin jogi.”

Wuok 5:10

Jorit nowuok kaachiei gi nyipeche, mowacho ni jo-Israel niya, “Farao osewacho ni ok obi medo miyou tiang’.

Wuok 5:6

Odiechieng’no, Farao nochiko jo-Misri ma jorit wasumbni kod jo-Israel ma nyipeche niya,

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Kwan 20:16

to kane waywak ni Ruoth Nyasaye mondo okonywa, nowinjo ywakwa, mooro malaika mogolowa Misri, omiyo koro wan Kadesh, dala ma en tong’ pinyi.

Tich Joote 7:34

Aseneno ratiro kaka joga sandore malit e piny Misri. Asewinjo kaka gichur, omiyo aselor mondo aresgi. Kuom mano, bi mondo aori Misri.’

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”