Wuok 3:12 - MUMA MALER 2015

¹² Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Motingʼo Loko Manyien

¹² Nyasaye nodwoke niya, “Abiro bedo kodi. Ranyisi ma ibiro neno ni An ema aori ema: Ka isegolo ogandani e piny Misri, to ubiro lamo Nyasaye ewi godni.”

Wuok 3:12 ပူးပေါင်းရင်းမြစ်များ

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Chakruok 15:8

To Abram nopenje niya, “A Ruoth Nyasaye, ere kaka anyalo ng’eyo ni pinyni nobed mara?”

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 31:3

Bang’e Ruoth Nyasaye nowacho ni Jakobo niya, “Dogi e pinyu ir oweteni, abiro bet kodi kuno.”

2 Ruodhi 19:29

“To winji, in Hezekia, ranyisi ma amiyi ema: E higa mokwongoni, unucham gik matwi kendgi, kendo e higa mar ariyo unucham orowe moloth e higa mokwongono, to e higa mar adek unuket kodhi, kendo unuka cham. Bende unupidh mzabibu, kendo unucham olembgi.

1 Weche mag Ndalo 9:20

Chon Finehas wuod Eleazar ne jatendgi. (Ruoth mondo obed kode!)

Zaburi 86:17

A Ruoth Nyasaye, nyisa gima dimi ang’e ni ihera, mondo joma mon koda oyud wichkuot ka gineno ni isekonya, kendo imiya yueyo.

Wuok 18:5

Jethro nobiro ir Musa e god Nyasaye, kuma ne Musa obworoe, kokelone chiege gi yawuote.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

Wuok 3:13

Musa nowacho ni Nyasaye niya, “To ka adhi ir jo-Israel, mawachonigi ni Nyasach kweregi oseora, gibiro penja ni, ‘Nyinge ng’a?’ An to nadwokgi ang’o?”

Wuok 33:14

Ruoth Nyasaye nodwoke niya, “Abiro dhi kodi an awuon, kendo anamiyi kue.”

Wuok 4:12

Emomiyo koro dhiyo! Anakonyi wuoyo, kendo ananyisi gima onego iwachi.”

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Wuok 8:27

Omiyo nyaka wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa mana kaka nochikowa.”

Isaya 37:30

To winji, in Hezekia, ranyisi ma amiyi ema: E higa mokwongoni, unucham gik matwi kendgi, kendo e higa mar ariyo unucham orowe moloth e higa mokwongono, to e higa mar adek unuket kodhi, kendo unuka cham. Bende unupidh mzabibu, bende unucham olembgi.

Isaya 41:10

Kik uluor gimoro nikech an kodu. Kik kibaji gou, nimar an e Nyasachu. Amiyou teko, kendo akonyou, bende asirou gi bada ma korachwich ma alochogo.

Isaya 43:2

Ka ukadho e pige matut, to an kodu. Adier, ka ng’ado aore, to ok giniteru, bende kata ka uwuotho e mach mang’ang’ni to ok unuwang’,

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Jeremia 1:8

Kik iluorgi, nikech abiro bet kodi, kendi riti. An Ruoth Nyasaye ema awacho kamano!”

Kwan 16:28

Musa nowacho nigi niya, “Ubiro ng’eyo ni Ruoth Nyasaye ema noora mondo atim gigi duto, to ok ni aketora awuon.

Kwan 23:21

Onge ketho moseyudo kuom joka Jakobo. Ooyo, onge richo moseneno kuom jo-Israel. Ruoth Nyasaye ma Nyasachgi ni kodgi en ema giyie ni en Ruodhgi.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Mariko 16:20

Bang’ mano, jopuonjrene nodhi molando Wach Maber kuonde duto, ka Ruoth tiyo kodgi, kendo siro wachno gi ranyisi.]

Tich Joote 11:21

Teko Ruoth Nyasaye ne ni kodgi, omiyo ji mathoth noyie, molokore ir Ruoth.

Tich Joote 7:7

To anakum joma ginibed ka gitiyonigi, kendo bang’e giniwuog kuno, mi gibi gilama kaeri.’

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Rapar mar Chik 31:23

Ruoth Nyasaye nochiko Joshua wuod Nun niya, “Bed gi chir, kendo gi jing’o, nikech in ema nitelni jo-Israel ka gidhi e piny mane asingora ni namigi kendo anabed kodi.”

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”

Joshua 1:5

Onge ng’at ma nosiri nyaka chieng’. Anabed kodi kaka nabet gi Musa. Ok naweyi kata jwang’i ok najwang’i.

Jong’ad Bura 6:12

Malaika mar Ruoth Nyasaye nofwenyorene mowachone niya, “In ng’at ma thwon kendo Ruoth Nyasaye ni kodi.”

Jong’ad Bura 6:16

Ruoth Nyasaye nowachone niya, “Anabed kodi mi initiek jo-Midian. Inilogi mana ka gima en ng’at achiel.”

Jong’ad Bura 6:17

Gideon nokone niya, “Ka iyie koda adier, to timna gima nyisa ni in ema iwuoyo koda.

Jong’ad Bura 6:21

Eka malaika mar Ruoth Nyasaye norieyo lwete, momulo ring’o kod makati gi luth mane en-go e lwete. Mach nomwoch e lwanda, mowang’o ring’o gi makati te. Bang’ mano malaikano nolal nono e wang’e.

Jong’ad Bura 7:11

mondo iwinj gima giwacho. Wach ma iwinjo ka giwachono biro miyi chir mar dhi monjo kambino.” Omiyo ne gilor gi Pura jatichne, mi gidhi e kambi kuma ne jolweny mag jo-Midian nindoe.

1 Samuel 14:10

To ka giwacho ni wadhi irgi, eka wanadhi, kwang’eyo ni Ruoth Nyasaye osechiwogi e lwetwa. Mano ema nobednwa ranyisi.”