Wuok 3:11 - MUMA MALER 2015

¹¹ Musa to nowacho ni Nyasaye niya, “An to an ng’a, ma dadhi ir Farao kendo agol jo-Israel e piny Misri?”

Motingʼo Loko Manyien

¹¹ To Musa nodwoko Nyasaye niya, “An to an ngʼa, ma dadhi ir Farao kendo golo jo-Israel e piny Misri?”

Wuok 3:11 ပူးပေါင်းရင်းမြစ်များ

2 Samuel 7:18

mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o momiyo isemiya duong’ ma kama?

1 Ruodhi 3:7

Koroni, A Ruoth Nyasaye ma Nyasacha, iseketa ruoth kar Daudi wuora, to pod an rawera mayot, kendo akia kaka onego awuoth e nyim ji.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Weche mag Ndalo 29:14

“An to an ng’a, kata joga gin ng’a gini, ma dimi wagol chiwo gi mor kama? In ema ichiwo gik moko duto, kendo wadwokoni mana gik misemiyowa.

Wuok 6:12

To Musa nodwoko Ruoth Nyasaye ni, “Ka jo-Israel ema ok nyal winja, Farao to diwinja nadi, an ng’at maywayo wachni?”

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

2 Jo-Korintho 2:16

Kuom joma lal en tik mar tho makelo tho, to kuom joma ireso to en tik mar ngima. Koro ere ng’ama nyalo gik ma kamago?

2 Jo-Korintho 3:5

Wan to waonge gi teko moro kuomwa wawegi mamiyo wawacho ni wanyalo timo gimoro, to gima wan-go a mana kuom Nyasaye,

Jong’ad Bura 6:15

Gideon nodwoke niya, “To ruoth ere kaka dares jo-Israel? Dhoodwa e dhoot matinie moloyo dhoudi duto mag Manase, to bende an mana ng’at marachrachie moloyo e dhoodwa.”

1 Samuel 18:18

Daudi nodwoko Saulo niya, “An ng’a, koso anywolana en ang’o, kata joodwa gin ng’a gini e Israel, ma dahedhra bedo or ruoth?”