Wuok 3:10 - MUMA MALER 2015

¹⁰ Omiyo koro abiro ori ir Farao mondo igol joga ma jo-Israel oa e piny Misri.”

Motingʼo Loko Manyien

¹⁰ Koro dhiyo. Aori ir Farao mondo igol joga ma jo-Israel e piny Misri.”

Wuok 3:10 ပူးပေါင်းရင်းမြစ်များ

Chakruok 15:13

Eka Ruoth Nyasaye nowachone niya, “Nyikwayi nobed jodak e piny ma ok margi. Ginibed wasumbini kuno, kendo nosandgi kuom higni mia ang’wen.

Chakruok 15:14

To nakum jopiny ma notimnigi kamano, kendo bang’e ginia kuno gi mwandu mogundho.

Zaburi 105:26

Bang’e ne ooro jatichne Musa, kod Harun mane oseyiero.

Zaburi 77:20

Ne itayo jogi ka jakwath, ka gin e lwet Musa gi Harun.

Wuok 12:40

Jo-Israel nosedak e piny Misri kuom higni mia ang’wen gi piero adek.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 33:12

Musa nowacho ni Ruoth Nyasaye niya, “En adier ni isenyisa mondo atel ni jogi nyaka piny Kanaan, to pok inyisa ng’at ma ibiro orago. To bende isewacho ni ing’eya maber, kendo imor koda.

Wuok 33:13

Ka imor koda kamano, to koro akwayi mondo ipuonja yoreni mondo ang’eyi, kendo imed bedo mamor koda. To bende ng’e malong’o ni jogi gin jogi.”

Wuok 6:26

Ma e Harun nogo, kaachiel gi Musa, mane Ruoth Nysaye owachonigi niya, “Goluru jo-Israel e piny Misri kochan-gi e dhoutgi.”

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Tich Joote 7:34

Aseneno ratiro kaka joga sandore malit e piny Misri. Asewinjo kaka gichur, omiyo aselor mondo aresgi. Kuom mano, bi mondo aori Misri.’

Tich Joote 7:36

Musa nogono ema nogolo jo-Israel e piny Misri, kotimo honni gi ranyisi kuno, kendo e Nam Makwar, kendo komedo timogi e thim kuom higni piero ang’wen.

Tich Joote 7:6

Gima ne Nyasaye owachone e ma: ‘Nyikwayi nobed jodak e piny ma ok margi, kendo ginibed wasumbni kuno, ka weg pinyno sandogi kuom higni mia ang’wen.

Tich Joote 7:7

To anakum joma ginibed ka gitiyonigi, kendo bang’e giniwuog kuno, mi gibi gilama kaeri.’

Jong’ad Bura 6:14

Eka Ruoth Nyasaye nochike ni “Dhiyo mondo ires jo-Israel e lwet jo-Midian gi teko ma in-go. An ema aori.”

1 Samuel 12:6

Eka Samuel nowacho ni ji niya, “Adier, Ruoth Nyasaye mane omiyou Musa gi Harun, kendo mane ogolo kwereu e piny Misri, ema obedo janeno.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.