Wuok 3:1 - MUMA MALER 2015

¹ Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

Motingʼo Loko Manyien

¹ Chiengʼ moro Musa ne kwayo jamb Jethro jaduongʼne ma Jadolo mar jo-Midian, mi nongʼado thim gi jamni nyaka Horeb got mar Nyasaye.

Wuok 3:1 ပူးပေါင်းရင်းမြစ်များ

1 Ruodhi 19:19

Elija nowuok kanyo, modhi oyudo Elisha wuod Shafat ka puro. Ji ne puro gi dhok piero ariyo gang’wen; dhok ariyo ne ywayo kwer achiel, to Elisha ema ne puro gi dhok ariyo mogik. Elija nochopo bute, mobolo kuome lawe mar abola.

1 Ruodhi 19:8

Eka noa malo mochiemo kendo omodho. Chiemono nomede teko, mowuotho ndalo piero ang’wen, odiechieng’ gotieno, mochopo Horeb, god Nyasaye.

Zaburi 106:19

Jo-Israel noloso nyaroya mar dhahabu ka gin Horeb, mi gilamo kido manonono.

Wuok 17:6

Anachung’ e nyimi kanyo, but lwanda man Horeb. Inichwad lwandano, mi pi nowuogie mondo ji omodhi.” Musa notimo kamano e nyim jodong Israel.

Wuok 18:12

Bang’e Jethro notimo ni Nyasaye misango miwang’o pep, kod misengni mamoko. Harun gi jodong Isarel duto ne jobiro mochamo sawono gi Jethro e nyim Nyasaye.

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 19:2

Ne giwuok Refidim mi gitundo e thim Sinai, kuma ne gibworoe momanyore gi got.

Wuok 19:3

Musa noidho godno ir Nyasaye. Mi Ruoth Nyasaye noluonge gie got, mowachone niya, “Nyis nyikwa Jakobo ma jo-Israel kama:

Wuok 2:16

Noyudo ka jadolo mar Midian nigi nyiri abiriyo. Nyigo nobiro umbo pi, mi giolo e mberni ma jamni modhoe, mondo jamb wuon-gi omodhi.

Wuok 2:18

Kane nyigo odok ir Reuel wuon-gi, nopenjogi niya, “Ang’o momiyo uduogo chon kawuono?”

Wuok 2:21

Musa noneno ni ber mondo odag gi ng’atno, mi Reuel nomiye nyare ma Zipora, mokendo.

Wuok 24:13

Musa kaachiel gi Joshua jatichne nodhi e god Nyasaye.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 3:5

Nyasaye nowachone niya, “Kik imed sudo machiegni, to lony wuocheni, nikech kama ichung’ieno en kama ler.”

Wuok 33:6

Omiyo jo-Israel nogonyo bonjegi e got Horeb kanyo, kendo ne ok gichako girwakogi.

Wuok 4:18

Musa nodhi ir Jethro jaduong’ne mowachone niya, “Yie mondo adog Misri ir jowetena, mondo ane ka pod gingima.” Jethro nowachone niya, “Ber, dhi gi kue.”

Wuok 4:27

E ndalogo Ruoth Nyasaye nowacho ni Harun niya, “Dhiyo e thim mondo irom ni Musa.” Nodhi moromo kode e god Nyasaye, kendo nonyodhe.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

Malaki 4:4

“Paruru puonj mag Musa jatichna gi chike mane amiye e got Horeb, ni mondo jo-Israel duto oluw.

Kwan 10:29

Musa nowacho ni Hobab wuod Reuel ja-Midian ma ore niya, “Koro wawuok wadhi e piny ma Ruoth Nyasaye osewacho ni nomiwa. Yie wadhi kodi, kendo wabiro timoni maber, nimar Ruoth Nyasaye osesingore ni obiro guedhowa.”

Kwan 10:33

Ne giwuok ka gia e god Ruoth Nyasaye, mi giwuotho kuom ndalo adek, ka Sandug Muma mar Ruoth Nyasaye otelo nyimgi mabor ma dirom wuodh odiechieng’ achiel, mondo omanynigi kama ginyalo bworoe.

Luka 2:8

Ne nitie jokwath moko e gweng’no mane nindo oko karito jambgi.

Tich Joote 7:30

“Bang’ dak kuno kuom higni piero ang’wen, malaika nofwenyorene e mach maliel e bungu, e thim mar got Sinai.

Rapar mar Chik 1:2

(En wuodh ndalo apar gachiel kia Horeb nyaka Kadesh-barnea, kiluwo yo mokadho e piny gode mag Seir.)

Rapar mar Chik 1:6

“Ruoth Nyasaye ma Nyasachwa nowuoyo kodwa Horeb, mowachonwa kama: ‘Usebet e godni moromo,

Rapar mar Chik 4:10

Nyaka uparnigi gik mane otimore chieng’ mane uchung’ Horeb e nyim Ruoth Nyasaye ma Nyasachu cha, ka Ruoth Nyasaye wachona ni, ‘Chokna ji e nyima ka, mondo giwinj kawuoyo kodgi, kendo gipuonjre luora e ngimagi duto.’

Jong’ad Bura 4:11

Noyudo ka ng’at moro miluongo ni Heber ja-Keni oguro hembe Elonbezaananim man but Kedesh, nimar nosedar moweyo jo-Keni ma nyikwa Hobab, ma or Musa.

1 Samuel 16:11

Eka nopenjo Jesse niya, “Magi e kar romb yawuoti duto koso?” Nodwoke ni, “Ooyo, pod odong’ machogo. En to okwayo rombe.” Samuel nowacho ni Jesse niya, “Or ng’ato oluonge, nikech ok wanyal bet piny kapok obiro.”