Wuok 28:41 - MUMA MALER 2015

⁴¹ Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Motingʼo Loko Manyien

⁴¹ Bangʼ ka iserwako lewnigi kuom owadu Harun gi yawuote, to wirgi gi mo kendo ipwodhgi. Walgi mondo gitina kaka jodolo.

Wuok 28:41 ပူးပေါင်းရင်းမြစ်များ

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Wuok 28:4

Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Wuok 29:24

Ket mago duto e lwet Harun, kendo e lwet yawuote, kendo iyieggi e nyim Ruoth Nyasaye.

Wuok 29:35

“Tim ni Harun gi yawuote mana kaka asechiki. Kamano ketogi e tich nokaw ndalo abiriyo.

Wuok 29:7

Eka ikaw mor wir, iol e wiye kiwalego.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Wuok 30:35

mondo ilosgo ubani mang’ue ng’ar, kaka jalos gik mang’ue ng’ar loso. Nobed gima ler, kendo mowal ni tich Nyasaye.

Wuok 40:13

Eka irwak Harun gi lep dolo, kendo iwire gi mo, kiwale mondo obed jadolona.

Wuok 40:15

Wirgi mana kaka isewiro wuon-gi, mondo gin bende gibed jodolona. Wirno biro miyo gibedo jodolona kaachiel gi nyikwagi kuom tiengegi duto nyaka chieng’.”

Isaya 10:27

Chieng’no ting’ mapek mane jo-Asuria oketo e goku nogol, kendo nyororo ma osebedo ka gitueyogo ng’utu nochod oko.”

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Ezekiel 43:26

Kamano jodolo nyaka pwodh kendo-mar-misango kuom ndalo abiriyo mondo obed moikore ni tich Nyasaye.

Tim jo-Lawi 10:7

To un kik ua e dho Hemb Romo, nono to utho, nimar osewiru gi mor wir mar Ruoth Nyasaye.” Mi ne gitimo kaka Musa nowacho.

Tim jo-Lawi 16:24

Eka nolwokre gi pi, kamoro moyang ni Nyasaye, kendo norwak lepe mag dolo, mi nowuog oko mondo otim misangone owuon miwang’o pep, kod mar oganda jo-Israel. Kamano nopwodhre, kendo nopwodh ji bende.

Kwan 16:5

Bang’e nowacho ni Korah gi joge niya, “Kiny gokinyi Ruoth Nyasaye nohul ng’at ma ng’ate adier, kod ng’at mowalne, kendo monego timne misengni. Ng’at ma Ruoth Nyasaye oyiero ema notim misengni ni Ruoth Nyasaye.

Kwan 3:3

Mago e nying yawuot Harun mane obiro, moketi e tij dolo.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Jo-Hibrania 5:4

Bende onge ng’ama nyalo yierore kende owuon mondo okaw tich maduong’ mar bedo jadolo maduong’, to Nyasaye kende ema yiero ng’ato, mi ket jadolo, mana kaka noketo Harun.

Jo-Hibrania 7:28

Chik Musa to keto dhano adhana manyap mondo obed jodolo madongo, to weche singruok mane Nyasaye okuong’orego mane obiro achien bang’ Chik, oketo Wuowi mosedoko ng’ama kare chuth jadolo maduong’.

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.