Wuok 28:4 - MUMA MALER 2015

⁴ Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Motingʼo Loko Manyien

⁴ Lewni manyaka gitwangʼ e magi: law akor, law mayom mar dolo miluongo ni efod, kandho, law akor mogor, kilemba mar wich kod okanda. Nyaka gilos lewni mowal mag dologi ne owadu Harun kod yawuote mondo gitina kaka jodolo.

Wuok 28:4 ပူးပေါင်းရင်းမြစ်များ

2 Samuel 6:14

Nomiel aduwa e nyim Ruoth Nyasaye gi tekre duto, korwakore gi law dolo.

Wuok 25:7

gi kite mibiro keto e law dolo miluongo ni efod kod law agoko.

Wuok 29:6

Sidhne kilemba, kendo ituene gima opamore cha, ma en osimbo maler.

Wuok 39:28

kendo ne gilosonigi kilemba gi ogute gi sirweche

Isaya 11:5

Tim makare kod adiera nobed ka okanda motueyo e nungone, kendo adiera e misip ma notuego dende.

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Hosea 3:4

Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Jo-Efeso 6:14

Kuom mano, nyonuru piny motegno, kutueyo adiera ka okanda e nungou, kendo kurwako tim makare ka gilweny mag akor,

1 Jo-Thesalonika 5:8

To wan, jogo mag odiechieng’, waritreuru ka waserwako yie gi hera kaka akor mar lweny, kendo ka waserwako geno mar warruok kaka ogut lweny.

Fweny 9:17

To farese mane aneno e fwenyno ne chalo kama: Joma ne oidhogi ne orwakore gi gilweny mag akor mag nyinyo makwar ka mach, kendo mambulu, kod ma onuria. Wi faresego to ne chalo gi wi sibuoche, kendo mach gi iro kod pilni mach ne wuok e dhogi.

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.

1 Samuel 22:18

Omiyo ruoth nowacho ni Doeg ja-Edom niya, “In dhi ineg jodolo.” Mi Doeg nodhi momwomore kuom jodolo, kendo chieng’no nonego ji piero aboro gabich, mane joting’ law dolo miluongo ni efod.

1 Samuel 23:6

Kane Abiathar wuod Ahimelek oringo odhi Keila ir Daudi, nodhi koting’o law dolo miluongo ni efod e lwete.

1 Samuel 30:7

Daudi nowacho ni Abiathar jadolo ma wuod Ahimelek niya, “Kelna efod.” Mi Abiathar nokelone law dolo miluongo ni efodno.