Wuok 28:3 - MUMA MALER 2015

³ Nyis jotich molony ma asemiyo rieko olos ni Harun lewni morwako kokete jadolona.

Motingʼo Loko Manyien

³ Nyis jotich molony duto ma asemiyo rieko e yore machalo kamago ni mondo gilos ne Harun lewnigo mag pwodhruok mondo otinago kaka jadolo.

Wuok 28:3 ပူးပေါင်းရင်းမြစ်များ

1 Ruodhi 7:14

Ne en wuod chi liel ma jadhood Naftali, to wuon mare ne ja-Turo, ma jatich mula. Ne en gi rieko gi winjo kod lony mar loso gimoro amora mar mula, kendo nobiro ir ruoth Solomon, molosone gik moko duto mane odwaro.

Wuok 35:10

“Jotich duto molony man kuomu mondo obi, kendo olos gik moko duto mane Ruoth Nyasaye ochiko.

Wuok 35:25

Mon duto mane olony e wicho nowiyo usi mambulu gi maralik gi makwar mokelo, kaachiel gi law katana maber.

Wuok 35:30

Musa nowacho ni jo-Israel niya, “Ruoth Nyasaye oseyiero Bezalel wuod Uri ma wuod Hur ja Juda.

Wuok 35:31

Osepong’e gi Rohone, mondo obed gi lony kod nyalo kaachiel gi rieko mar ng’eyo tije duto mag lwedo,

Wuok 35:35

Osemiyogi rieko mathoth mar tiyo tije duto mag lwedo, kaka tich goro kite, gi mar kwoyo nanga, gi mar tweng’o gi usi mambulu gi maralik, gi mar loso law katana maber, kod mar chweyo nanga. Gin ji manyalo timo tich moro amora.

Wuok 36:1

“Bezalel gi Oholiab kod jotich molony duto mane Ruoth Nyasaye osemiyo rieko kod ng’eyo mar loso gik moko duto midwaro mondo olosgo Kama Ler nyaka los gigo duto mana kaka Ruoth Nyasaye osechiko.”

Wuok 36:2

Musa noluongo Bezalel gi Oholiab kod joma olony e tijegi, mane Ruoth Nyasaye osemiyo rieko, kendo mane oyie konyo tich, mi nonyisogi mondo gichak tich.

Ngeche 2:6

nimar Ruoth Nyasaye ema chiwo rieko, kendo en ema opuonjo ng’eyo.

Isaya 11:2

Roho mar Ruoth Nyasaye nobi kuome. En Roho makelo rieko gi ng’eyo, kendo ma ng’ado ni ji rieko, kendo miyo ji teko, bende en Roho ma puonjo ji luoro Nyasaye.

Jo-Efeso 1:17

ka akwayo Wuoro ma wuon duong’ duto, kendo ma Nyasach Ruodhwa Yesu Kristo, mondo omiu Roho makelonu rieko kendo fwenyonu gik moko mondo ung’eye.

Rapar mar Chik 34:9

Joshua wuod Nun nomi rieko mathoth, nikech Musa noseyieyo lwete kuome, mi jo-Israel nowinje, motimo gik mane Ruoth Nyasaye ochiko Musa.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.