Wuok 28:2 - MUMA MALER 2015

² Twang’ni Harun owadu lep dolo, mondo omedu duong’ gi chia.

Motingʼo Loko Manyien

² Twangʼne Harun owadu lewni mopwodhi mag dolo mondo omi omiye duongʼ gi luor.

Wuok 28:2 ပူးပေါင်းရင်းမြစ်များ

Ayub 40:10

Ka kamano, to kara bidhri maber ka irwakori gi luor kod duong’.

Zaburi 132:16

Anami jodolo mage bedo joma kare, kendo joge nower, ka goyo mahu gi mor.

Zaburi 132:9

Onego jodolo bed joma kare, kendo jogi duto onego ogo mahu gi mor.

Zaburi 149:4

nimar Ruoth Nyasaye ohero joge. Oting’o joma obolore malo, komiyo gilocho.

Zaburi 96:6

Duong’ maler gi duong’ mar loch okete diere, kendo teko gi ber duto ni e Hekalu mare.

Wuok 28:40

Los ni yawuot Harun kendhe gi okendni kod kilembni, mondo omedgi duong’ gi chia.

Wuok 29:28

Mago nobed lemo ma Harun gi yawuote yudo kuom jo-Israel, nyaka chieng’. En lemo moket tenge ni jodolo ma jo-Israel golo kuom misengni mag sawo. En mich ma nyaka gichiw ni Ruoth Nyasaye.

Wuok 31:10

kod lep dolo malich mag Harun jadolo gi mag yawuote, ma girwako ka gitiyo tich dolo,

Wuok 40:13

Eka irwak Harun gi lep dolo, kendo iwire gi mo, kiwale mondo obed jadolona.

Isaya 4:2

E ndalogo, yath ma Ruoth Nyasaye osepidho nobed gi duong’ kendo nonere maber, bende olemo ma piny onyago ema nobed gima kelo ni jo-Israel motony mor kod pak.

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Isaya 61:3

Abiro hoyo chuny ji duto man gi lit, kendo gik ma abiro miyogi e magi: Maua mabeyo, kar buru ma gibukorego; kendo mor, kar lit ma gin go, kod pak, kar bedo gi chuny mool. Enoluonggi ni, yien mag tim makare, ma Ruoth Nyasaye opidho mondo oyudgo duong’.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Tim jo-Lawi 8:30

Nokawo mor wir moko gi remo moko mane ni ewi kendo mar misango, mokiro kuom Harun gi lepe mag dolo, kendo kuom yawuote gi lepgi mag dolo.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Jo-Rumi 13:14

To rwakreuru gi Yesu Kristo kaka okumbau, kendo weuru keto chunyu kuom paro gik ma ringruok gombo.

Jo-Rumi 3:22

En e yo ma Nyasaye miyogo dhano bet e winjruok kode nikech yie ma oyiego kuom Yesu Kristo. Yorno ni thuolo ni ji duto moyie, nikech onge gima gipogorego.

Jo-Galatia 3:27

Un uduto osebatisu kuom Kristo, mi urwako Kristo owuon ka nanga.

Jo-Hibrania 2:9

To gima waneno, en mana Yesu, mane Nyasaye omiyo obedo matin moloyo malaika kuom kinde manok mondo otho ni ji duto kuom ng’wonone mar Nyasaye. En ema Nyasaye nosesidhone osimbo mar duong’ kod pak, nikech rem mar tho mane oneno.

Jo-Hibrania 7:26

To jadolo maduong’ ma kamano ema wadwaro, nikech oler, kendo oonge ketho; chilo moro onge kuome, bende osepoge kuom joricho, kendo oseting’e malo moyombo polo.

2 Petro 1:17

Nyasaye Wuoro nomiye duong’ gi pak kane dwol obirone moa kuom duong’ mar polo, kawacho niya, “Ma e Wuoda mahero! Chunya mor kode!”

1 Johana 3:2

Osiepna, kata mana sani wan nyithind Nyasaye, to kaka wabiro bet pok ofwenyore, to wang’eyo ni ka Kristo ofwenyore, to wanabed machal kode, nikech wananene kaka ochal.

Fweny 19:8

kendo Nyasaye oseyiene mondo orwakre gi nanga maber mapichni kendo maler.” (Nanga maberno ochung’ kar tim makare mar jo-Nyasaye)

Fweny 5:10

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”