Wuok 28:1 - MUMA MALER 2015

¹ “In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Motingʼo Loko Manyien

¹ “Luong Harun owadu kaachiel gi yawuote ma gin Nadab, Abihu, Eliazar kod Ithamar kowuok kuom jo-Israel mondo gitina kaka jodolo.

Wuok 28:1 ပူးပေါင်းရင်းမြစ်များ

1 Weche mag Ndalo 23:13

Yawuot Amram ne gin Harun kod Musa. To Harun gi dhoode nowal ni mondo oti tich dolo ni Ruoth Nyasaye, ka gichiwone gik maler, kendo timone misango, kendo guedho ji e nyinge nyaka chieng’.

1 Weche mag Ndalo 6:10

Johanan nonywolo Azaria, mane jadolo e Hekalu mane Solomon ogero Jerusalem.

1 Weche mag Ndalo 6:34

wuod Elkana, wuod Jeroham, wuod Eliel, wuod Toa,

2 Weche mag Ndalo 11:14

Jo-Lawi noweyo lopgi gi mwandugi, mi gidhi Juda gi Jerusalem, nikech Jeroboam gi yawuote noriembogi e tich dolo mar Ruoth Nyasaye.

Zaburi 115:10

Un jodolo ma nyikwa Harun, genuru kuom Ruoth Nyasaye, nimar en ema okonyou, kendo oritou.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 24:1

Noyudo ka Ruoth Nyasaye osewacho ni Musa niya, “Bi ira e got, kaachiel gi Harun gi Nadab gi Abihu kod jodong Israel piero abiriyo. To kapok uchopo machiegni, kulreuru mondo ulem.

Wuok 24:9

Musa gi Harun gi Nadab kod Abihu, kaachiel gi jodong Israel piero abiriyo nodhi e got, moneno Nyasach Israel.

Wuok 28:41

Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Wuok 29:1

“Kiwalo Harun gi jowuote mondo obed jodolona, to nyaka itim kama: Kaw nyarwath kod imbe ariyo maonge gi songa.

Wuok 29:44

Anaguedh Hemb Romo kod kendo-mar-misango obed maler, bende anawal Harun gi yawuote mondo obed jodolona.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Wuok 30:30

To bende iwir Harun gi yawuote, kiwalogi mondo gibed jodolona.

Wuok 31:10

kod lep dolo malich mag Harun jadolo gi mag yawuote, ma girwako ka gitiyo tich dolo,

Wuok 35:19

kaachiel gi lewni malich ma jodolo tiyogo Kama Ler, ma gin lep lemo ma Harun jadolo gi yawuote rwako ka gitiyo tich dolo.”

Wuok 6:23

Harun nokendo Elisheba nyar Aminadab ma nyamin Nashon, monywologo Nadab gi Abihu gi Eliezar kod Ithamar.

Tim jo-Lawi 10:1

Nadab gi Abihu, ma yawuot Harun, nokawo tepgi mag mach, mi giketoe mach, eka ne gioloe ubani. Ne gidonjo e nyim Ruoth Nyasaye, mi giyiegoe mach ma ok ni kare, mane Ruoth Nyasaye ok ochiko mondo ochiwne.

Tim jo-Lawi 10:12

Musa nowacho ni Harun gi yawuote modong’ ma Eleazar gi Ithamar niya, “Kawuru mogo modong’ kuom misango mar cham miwang’o gi mach ni Ruoth Nyasaye mondo ucham maonge thowi but kendo-mar-misango, nikech en gima ler moloyo.

Tim jo-Lawi 7:35

Mano en lemo momi Harun gi yawuote kuom misengni miwang’o, chakre chieng’ mane oketgie jodolo mag Ruoth Nyasaye.

Tim jo-Lawi 8:1

Ruoth Nyasaye nowacho ni Musa niya,

Tim jo-Lawi 8:2

“Kaw Harun gi yawuote kendo kaw lep dolo gi mor wir gi rwath mitimogo misango mar golo richo gi imbe ariyo kod odheru moting’o makati ma ok ketie thowi,

Kwan 18:7

To in gi yawuoti kende ema nyaka uti tichu mar dolo mitimo e kendo-mar-misango, kendo mitimo e tok Pasia. Tich dolono e tich ma amiyou. Ng’ato ang’ata ma ok jadolo motiyo tich dolo nyaka negi.”

Kwan 2:4

Ogandane mar lweny romo ji alufu piero abiriyo gang’wen gi mia auchiel.

Kwan 26:61

To Nadab gi Abihu notho nikech ne giyiego mach ma ok ni kare e nyim Ruoth Nyasaye.

Luka 1:8

Chieng’ moro kane ogandane mar jodolo nie tich, Zekaria ne tiyo tichne mar dolo e nyim Nyasaye.

Rapar mar Chik 10:6

“Jo-Israel noa e gweng’ sokni mag jo-Jaakan, mi giwuotho matintin ka gidhi Mosera. Eka Harun notho, moyike kuno, mi Eleazar wuode, nodoko jadolo kare.

Rapar mar Chik 18:5

nimar Ruoth Nyasaye ma Nyasachu oseyierogi kuom dhoutu duto mondo gin kaachiel gi nyikwagi giti e nying Ruoth Nyasaye nyaka chieng’.

1 Samuel 2:28

Ne ayiere kuom dhout Israel duto mondo obed jadolona, kendo odhi e kendona-mar-misango, otim misengni, kendo orwakre gi law dolo miluongo ni efod e nyima. Namiyo dhoodu misengni duto miwang’o ma jo-Isarel chiwo.