Wuok 27:9 - MUMA MALER 2015

⁹ “Los laru ni Hema Maler. Koma odok yo milambo nyaka bed gi pasia mar law katana maber ma borne romo mita piero abich,

Motingʼo Loko Manyien

⁹ “Los laru ne Hemb Romono. Yo milambo mar laruno borne norom mita piero angʼwen gauchiel kendo onego obed gi pasia momin molos gi law mayom,

Wuok 27:9 ပူးပေါင်းရင်းမြစ်များ

1 Ruodhi 6:36

Laro maiye nochielo gi ohinga moger gi kite mopa, moluow didek, kaachiel gi laini achiel mar bap sida.

1 Ruodhi 8:64

Chieng’ono ruoth nopwodho dier laru mane nie nyim Hekalu mar Ruoth Nyasaye, nikech kanyo ema notimoe misengni miwang’o pep, gi misengni mag sawo, nikech kendo-mar-misango mar mula mane nie nyim Ruoth Nyasaye ne tin, mane ok nyal timie misengnigo duto.

2 Weche mag Ndalo 33:5

Nogero kende-ma-liswa ni sulue duto e laru ariyo mag Od Ruoth Nyasaye.

2 Weche mag Ndalo 4:9

Noloso laru mar jodolo gi laru maduong’ kod dhoute, mobawo dhoudigo gi mula,

Zaburi 100:4

Donjuru ei Hekalu mare kugoyo erokamano, kendo pakeuru e laru mar ode. Ee, goneuru erokamano, kendo dendeuru.

Zaburi 116:19

machokore e agolini mag Hekalu mari man Jerusalem. A yaye, pakuru Ruoth Nyasaye!

Zaburi 84:10

Odiechieng’ achiel ma ng’ato obedogo e Hekalu mari, ber moloyo ndalo gana gi gana mobedogo kamoro nono. Ber mondo achung’ kata mana e dhoranga od Nyasacha, moloyo dak e miech joricho.

Zaburi 92:13

Gichalo gi yien mopidhi e od Ruoth Nyasaye, ma dongo maber e Hekalu mar Nyasachwa.

Wuok 27:10

mong’aw e sirni piero ariyo, morwak e rachungi piero ariyo mag mula. To rang’aw kod ratege miriwogo sirnigo nyaka bed mag fedha.

Wuok 35:17

gi pasia mag laru gi sirni kod rachungigi gi pasia mar dhoranga laru,

Wuok 36:17

Ne giloso tonde piero abich, e riak pasia matung’ kuom pasia abich, kendo tonde piero abich moko e riak pasia matung’ kuom pasia auchiel.

Wuok 39:40

gi pasia mag laru, gi sirni mage kod rachungine, kaachiel gi pasia man e dhoranga laru, gi tondene kod loyene gi gik moko duto mitiyogo tich Hema Maler, ma en Hemb Romo.

Wuok 40:33

Noliero pasia e aluora duto mar laru, mogeng’ogo Hema Maler kaachiel gi kendo-mar-misango, kendo noliero pasia moro e dhoranga laru. Kamano Musa notieko tich duto,

Wuok 40:8

Bang’e ichielne laru aluora gi pasia, kendo ilier pasia moro mondo ogeng’ dhoranga laru.

Ezekiel 40:14

Ot mane ni tung’ mogik ema nidonjogo e laru. Ne opime, moyudo ni lachne mita apar.

Ezekiel 40:17

Ng’atno nokawa mokadho koda e dhorangach nyaka e laru moro. Kuno ne nitie udi piero adek momakore gi ohinga maoko, to e nyim udigo ne nitie kama ochanie kite mopamore

Ezekiel 40:20

Bang’e ng’atno nodhi mopimo rangach ma yo nyandwat midonjogo e laru maoko.

Ezekiel 40:23

Ne nitie rangach moro machielo midonjogo e laru maiye momanyore gi rangach maokono, mana kaka ne nitie e rangach ma yo wuokchieng’. Ng’atno nopimo bor manie kind rangach maoko gi maiyeno, moyudo ni oromo mita piero abich.

Ezekiel 40:28

Ng’atno nokawa mokadho koda e dhorangach ma yo milambo, mi wachopo e laru maiye. Ne opimo rangajno, moyudo ni orom gi rangeye mamoko.

Ezekiel 40:32

Koro ng’atno nokawa mokadho koda e dhorangach ma yo wuokchieng’, mi wachopo e laru maiye. Eka ne opimo rangajno moyudo ni orom gi rangeye mamoko.

Ezekiel 40:44

E bath rangach ma yo nyandwat e laru maiye, ne nitie ot moro mochomo yo milambo. Bende e bath rangach ma yo milambo ne nitie ot machielo machal gi mano mochomo yo nyandwat.

Ezekiel 42:3

Bathe konchiel mochomo kama ne odong’ nono, ma borne romo mita apar, molworo Hekalu, to bathe komachielo nochomo kama ochanie kite mopamore molworo laru maoko. Odno ne oger gorofe adek, ma moro ka moro lach moloyo mano manie wiye.

Kwan 3:26

gi pasia mag laru gi mag rangach midonjogo e laru mar e aluora mar Hema Maler gi aluora mar kendo-mar-misango, kod gik moko duto mitiyogo kanyo.

Kwan 4:26

gi rageng’ni mag laru gi mag pasia mar rangach midonjogo e laru mar aluora mar Hema Maler gi aluora mar kendo-mar-misango gi tondegi kod gik moko duto mitiyogo. Gin ema omigi tich rito gigo.

Kwan 4:32

gi sirni mag laru molworo hema, gi rachungine gi loyegi gi tondegi kod gik moko duto mitiyogo kanyo. Nyaka pog ni ng’ato ka ng’ato gik ma onego giting’.