Wuok 27:21 - MUMA MALER 2015

²¹ Tayano nyaka bed ei Hemb Romo ma Nyasaye romoe gi joge, gi yoka oko mar pasia mogeng’o Sandug Rapar. Harun gi yawuote nyaka rite pile mondo oliel e nyim Ruoth Nyasaye, chakre odhiambo nyaka piny ru. Chikni omako jo-Israel kod nyikwagi nyaka chieng’.

Motingʼo Loko Manyien

²¹ Harun gi yawuote nyaka neni teynigo osiko kaliel e nyim Jehova Nyasaye chakre odhiambo nyaka okinyi, ka gikete e Hemb Romo oko mar pasia mantiere e nyim Sandug Muma. Ma en chik mosiko nyaka chiengʼ ne jo-Israel nyaka ne tienge duto mabiro.

Wuok 27:21 ပူးပေါင်းရင်းမြစ်များ

Chakruok 1:5

Nochako ler ni, Odiechieng’, to mudho nochako ni Otieno. Piny noyuso kendo noru, mi mano nodoko chieng’ mokwongo.

Chakruok 1:8

Gima nopogo pino nochako ni, Polo. Piny noyuso kendo noru, mi mano nodoko odiechieng’ mar ariyo.

2 Weche mag Ndalo 13:11

Giwang’o ni Ruoth Nyasaye misengni kod ubani mang’ue ng’ar okinyi godhiambo kendo giketo makati e nyime e mesa mar dhahabu maler, kendo girito sis taya gi techene mondo oliel otieno kotieno. Kamano warito chik Ruoth Nyasaye ma Nyasachwa, to un useweye.

Zaburi 134:1

Biuru upak Ruoth Nyasaye, un jotichne duto, ma tiyo e Hakalu mare gotieno.

Wuok 12:14

“Odieching’no nobednu chieng’ rapar, omiyo nyaka urite ka sawo mochwere ni Ruoth Nyasaye kuom tiengeu duto.

Wuok 16:34

Omiyo Harun nokawe, mokete e nyim Sandug Muma, mondo okane kaka Ruoth Nyasaye nochiko Musa.

Wuok 25:16

To ketie kite ariyo mag rapar ma abiro miyi.

Wuok 28:43

Harun gi yawuote nyaka rwakgi ka gidonjo e Hemb Romo, kata ka gidhi e kendo-mar-misango mondo giti tich dolo. Kamano ok ginikethi, kendo ok ginitho. Chikni omako Harun gi nyikwaye nyaka chieng’.

Wuok 29:28

Mago nobed lemo ma Harun gi yawuote yudo kuom jo-Israel, nyaka chieng’. En lemo moket tenge ni jodolo ma jo-Israel golo kuom misengni mag sawo. En mich ma nyaka gichiw ni Ruoth Nyasaye.

Wuok 29:42

Misangono nyaka bed kitimo e dho Hemb Romo e nyim Ruoth Nyasaye kuom tienge duto nyaka chieng’. Kanyo ema an Ruoth Nyasaye nabed karomoe kodu, kendo losoe kodi.

Wuok 29:44

Anaguedh Hemb Romo kod kendo-mar-misango obed maler, bende anawal Harun gi yawuote mondo obed jodolona.

Wuok 30:21

to nyaka gilwok luetegi gi tiendegi mondo kik githo. Mano nobed chik mochwere momako Harun gi nyikwaye kod tiengegi duto.”

Wuok 30:36

Kaw moko, iswag mayom mondo iket e nyim Sandug Rapar ei Hemb Romo kama naromie kodu. Enobednu gima ler ahinya.

Wuok 30:8

kendo odhiambo kodhiambo komokogi. Kamano ubani nobed kiwang’o e nyim Ruoth Nyasaye nyaka chieng’.

Wuok 40:3

Ket Sandug Rapar e iye kendo igeng’ Sanduk gi pasia.

Tim jo-Lawi 10:9

“In kod yawuoti kik umadh kong’o kata gimoro mamero ji, ka udhi e Hemb Romo, nono to utho. Mano en chik momako nyikwau nyaka chieng’.

Tim jo-Lawi 16:34

Mano nobed chik momakou nyaka chieng’ mondo upwodh jo-Israel dichiel e higa kuom richogi. Kamano Musa nochopo chike mag Ruoth Nyasaye.

Tim jo-Lawi 17:7

Ka jo-Israel nego jamni, to kik gimed timo misengni ni jochiende ma gilamo, ka gidwanyorego mana kaka dhako moweyo chwore dwanyore gi chwo mamoko, mano nobed chik momakogi kaachiel gi nyikwagi nyaka chieng’.

Tim jo-Lawi 23:14

Kik ucham makati, kata cham molodi kata manumu, ka pok ochopo chieng’ michiwoe ni Nyasachu michne.”

Tim jo-Lawi 23:21

Unugo milome mar chokruok maler chieng’ onogo, kendo ok unuti tijeu mapile. Mano en chik momakou gi nyikwau nyaka chieng’, kamoro amora mudakie.

Tim jo-Lawi 24:2

“Chik jo-Israel mondo okelni mor zeituni maler mondo ool e taya, mondo taya oliel pile, oko mar pasia mageng’o sandug rapar e Hemb Romo.

Tim jo-Lawi 24:3

Harun nyaka rit taya mondo osik ka liel pile e nyim Ruoth Nyasaye, chakre odhiambo nyaka okinyi. Mano en chik momakou gi nyikwau nyaka chieng’.

Tim jo-Lawi 24:9

Makatigo nodong’ ni Harun gi nyikwaye, kendo ginichamgi kamoro moyang ni Ruoth Nyasaye, nikech en mich maler moloyo. En pok migolone nyaka chieng’ kuom misengni miwang’o ni Ruoth Nyasaye.”

Tim jo-Lawi 3:17

Enobed chik mochwere kuom tienge duto, kamoro amora mudakie, ni kik ucham bor kata remo.

Tim jo-Lawi 3:8

mi oket lwete e wiye, kendo oyang’e e nyim Hemb Romo. Eka joka Harun nokaw remo, kendo nokir e bethe duto mag kendo-mar-misango.

Tim jo-Lawi 6:15

Achiel kuom jodolo nojuk mogo sanja moruw gi mo, kaachiel gi ubani duto moketie. Enowang’ sanja mojukono ka rapar e kendo-mar-misango mondo odum mang’ue ng’ar ni Ruoth Nyasaye.

Tim jo-Lawi 7:36

Chieng’ mane owirgieno, Ruoth Nyasaye nogolo chik ni, jo-Israell nyaka mi jodolo migepego. Mano en chik momako jo-Israel nyaka chieng’.

Malaki 2:7

En tich jodolo mondo opuonj ji wach mar adiera mar Nyasaye, kendo ji onego odhi irgi mondo opuonjre chik Nyasaye, nikech gin jootena, An Ruoth Nyasaye Manyalo Gik Moko Duto.

Kwan 18:23

To jo-Lawi ema nobed ka tiyo tich Hema, kendo gimoro amora marach motimore kuome nobed wachgi. Mano e chik momakou gi nyikwau nyaka chieng. Ok giniyud lowo moro mopognigi kuom jo-Israel,

Kwan 18:5

To un uwegi unubed kutiyo tije mag Kama Ler, kod tich dolo e kendo-mar-misango, mondo mirima mager mar Ruoth Nyasaye kik bi kuom jo-Israel kendo.

Kwan 19:21

“Chikno omakou nyaka chieng’. Ng’at ma kiro pi pwodhruok nyaka lwok lepe, kendo ng’ato ang’ata momulo pigno nobed mogak nyaka chieng’ podhi.

Kwan 35:29

Mago nobednu chik mochwere, kamoro amora mudakie.

Kwan 8:9

Eka nikel jo-Lawi e dho Hemb Romo michok oganda duto mar Israel kanyakla.

Mathayo 4:16

“Oganda mane odak e mudho oseneno ler maduong’. Adier, ler oserieny kuom joma ne obet e piny motimo tipo mar tho.”

Luka 12:35

“Ng’wanuru lepu, kendo mokuru techeu mondo ubed moikore.

Johana 5:35

Johana ne en taya marieny maler, kendo kuom kinde moko ne uyie mondo lerno omiu mor.

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

2 Petro 1:19

Omiyo wamedo yie matek moloyo kuom wach mane jonabi okoro. Ber mondo urit wachno chuth, nikech en kaka taya maliel kama otimo mudho, nyaka piny yawre, mi sulue mar okinyi wuog karieny e chunyu.

Fweny 2:1

“Ndik ni malaika mar kanyakla mar jo-Kristo man Efeso kama: “ ‘Weche mag Jal man gi sulue abiriyo e lwete ma korachwich, kendo ma wuotho e kind teyni abiriyo mag dhahabu e magi:

1 Samuel 3:3

Samuel bende nosenindo e Hekalu mar Ruoth Nyasaye, kama Sanduk mar Nyasaye ne nitie. To kane taya mar Nyasaye pok otho,

1 Samuel 30:25

Chakre chieng’no nolokore tim jo-Israel nyaka chil kawuono.