Wuok 27:2 - MUMA MALER 2015

² Nyaka ilosne tunge ang’wen e kondene mondo gibed gimoro achiel kode, kendo ibawe gi mula.

Motingʼo Loko Manyien

² Los tungʼ e konde angʼwen mag kendono, mondo omi tungego kod kendo mar misango obed gimoro achiel ka kendono omuon wiye gi mula.

Wuok 27:2 ပူးပေါင်းရင်းမြစ်များ

1 Ruodhi 1:50

Adonija bende noluoro Solomon, mi nodhi, momako tunge mag kendo-mar-misango.

1 Ruodhi 2:28

Kane Joab owinjo wachno, noringo odhi e Hema mar Nyasaye, momako tunge kendo-mar-misango, nimar nodok ni Adonija,, kata obedo ni ne ok odok ni Absalom, e kinde mane Absalom ong’anyoe.

1 Ruodhi 8:64

Chieng’ono ruoth nopwodho dier laru mane nie nyim Hekalu mar Ruoth Nyasaye, nikech kanyo ema notimoe misengni miwang’o pep, gi misengni mag sawo, nikech kendo-mar-misango mar mula mane nie nyim Ruoth Nyasaye ne tin, mane ok nyal timie misengnigo duto.

2 Ruodhi 16:14

To kendo-mar-misango mar mula mane nie nyim Ruoth Nyasaye nogolo e kind kendone manyien gi Od Ruoth Nyasaye, moketo yo nyandwat mar kendo manyienno.

2 Weche mag Ndalo 4:1

Huram noloso kendo-mar-misango mar mula, ma borne romo mita apar, kendo lachne bende mita apar, to borne modhi malo mita abich.

Zaburi 118:27

Ruoth Nyasaye e Nyasaye, kendo osemiyowa ler. Chakuru timo sawo kuting’o oboke e lwetu, kudhi nyaka e tunge mag kendo-mar-misango.

Wuok 27:3

Bende losne agulni mag golo buru kod mo, kaachiel gi rajow gi tewni gi rachwow kod tep mach. Giduto nyaka ilosgi gi mula.

Wuok 29:12

Kaw rembe moko, imien gi lith lweti e tunge kendo-mar-misango. To remo duto modong’ iol e tiend kendono.

Wuok 38:30

Mago Bezalel nolosogo rachungi mag dhoranga Hemb Romo, kendo nolosogo kendo-mar-misango mar mula kod gima chalo gi sing’enge, kaachiel gi gik moko duto mitiyogo e kendono.

Tim jo-Lawi 16:18

Bang’e nowuog oko e kendo-mar-misango manie nyim Ruoth Nyasaye, mi nopwodh kendono. Nokaw remb rwath moko kod remb diel moko mi nomien-go tunge duto mag kendo-mar-misango,

Tim jo-Lawi 4:18

Bang’ mano nomien remo moko e tunge kendo-mar-misango man e nyim Ruoth Nyasaye ei Hemb Romo, kendo nopuk remo duto modong’ e tiend kendo-mar-misango miwang’o pep man e dho Hemb Romo.

Tim jo-Lawi 4:25

Eka jadolo nogwel remb chiayono gi lith lwete, mi nomien e tunge kendo-mar-misango miwang’o pep. To remo duto modong’ nyaka puk e tiend kendono.

Tim jo-Lawi 4:7

Bang’ mano, jadolono nomien remo moko e tunge kendo-mar-misango miwang’oe ubani e nyim Ruoth Nyasaye ei Hemb Romo, to nopuk remo duto modong’ e tiend kendo-mar-misango miwang’o pep manie dho Hemb Romo.

Tim jo-Lawi 8:15

Nokawo remb rwadhno mi omieno e tunge kendo-mar-misango gi lith lwete, mondo opwodhego. Eka nopuko remo modong’ e tiend kendo-mar-misango, mi owalo ni Ruoth Nyasaye, kotimoe misango mipwodhogo richo.

Zekaria 9:15

Ruoth Nyasaye Manyalo Gik Moko Duto ema nobed okumbagi mi ginilo lweny ka ginyono kite mag orujre piny. Ginigo koko ka joma omer, mi ginineg ji, mi rembgi chuer mana ka remb misango miolo gi tawo e tunge mag kendo-mar-misango.

Kwan 3:31

kendo ne omigi tich rito Sandug Muma gi mesa gi rachung taya gi kende mag misango gi gik moko duto mitiyogo e lemo, kod pasia gi gige duto.

Jo-Hibrania 6:18

Kuom mano, Nyasaye nokonyore gi gik moko ariyo ma ok nyal lokore, kendo ma ok onyal wachoe miriambo, tiende ni singruok gi kuong’ruok. To wan, joma osetony, koro wayudo jip motegno ka wamakogo geno manie nyimwa.