Wuok 27:16 - MUMA MALER 2015

¹⁶ To e dhoranga laru iketie pasia mar law katana maber, mogorie maradadi gi usi mambulu gi maralik kod makwar. Pasiano nong’aw e sirni ang’wen morwak e rachungi ang’wen.

Motingʼo Loko Manyien

¹⁶ “To e dhoranga laruno, ketie pasia mar law mayom momin ma borne romo mita ochiko kendo man-gi rangi marambulu gi maralik kod makwar duto molos gi jachwecho molony koketgi ewi sirni angʼwen man-gi rachungi angʼwen.

Wuok 27:16 ပူးပေါင်းရင်းမြစ်များ

Zaburi 45:14

Ne otere ir ruoth ka orwakore gi law majaber, ka nyige mag harusi luwe. Nyigo bende nokel ir ruoth.

Wuok 26:31

“Twang’ pasia mar law katana maber. Nyaka jatueng’o molony gor kuome kido mag kerubi gi usi mambulu gi maralik kod makwar.

Wuok 26:36

Los ni dho Hema pasia mar law katana maber. Nyaka gorie maradadi gi usi mambulu gi maralik kod makwar.

Wuok 27:15

Pasia ka pasia nyaka ng’aw e sirni adek, morwak e rachungi adek.

Wuok 27:17

Sirni duto molworo laru nyaka bed gi ratege mag fedha, kod rachungi mag mula.

Wuok 28:39

“Itwang’ law akor mar katana maber, kendo ilos kilemba bende gi law katana maber, kod okanda mogoye maradadi.

Wuok 36:37

Ne gitwang’o ni dho hema pasia mar law katana maber, mi gigoyoe maradadi gi usi mambulu gi maralik kod makwar.

Wuok 39:29

kod okanda. Gigo duto nolos gi law katana maber mogoe maradadi gi usi mambulu gi maralik kod makwar, eyo ma jagoro molony goyoe. Mago duto ne gitimo mana kaka Ruoth Nyasaye nochiko Musa.

Kwan 3:26

gi pasia mag laru gi mag rangach midonjogo e laru mar e aluora mar Hema Maler gi aluora mar kendo-mar-misango, kod gik moko duto mitiyogo kanyo.

Jong’ad Bura 5:30

‘Nyaka bed ni giyeko, kendo gipogo mwandu ma giseyudo. Ng’ato ka ng’ato yudo nyako achiel kata ariyo, kendo omi Sisera gik mope ma kitgi yoreyore, kod nanga mokwo maber, mondo orwak e ng’ute.’