Wuok 27:1 - MUMA MALER 2015

¹ “Los kendo-mar-misango gi yiend shita. Borne gi lachne mondo obed mita ariyo gi nus.

Motingʼo Loko Manyien

¹ “Ger kendo mar misango gi yiend siala, ma borne madhi malo romo fut angʼwen gi nus, lachne kod borne mondo obed fut abiriyo gi nus maromre.

Wuok 27:1 ပူးပေါင်းရင်းမြစ်များ

2 Samuel 24:18

Chieng’no Gad nodhi ir Daudi, mowachone ni, “Dhiyo kar dino mar Arauna ja-Jebus, igerie ni Ruoth Nyasaye kendo-mar-misango.”

2 Ruodhi 16:14

To kendo-mar-misango mar mula mane nie nyim Ruoth Nyasaye nogolo e kind kendone manyien gi Od Ruoth Nyasaye, moketo yo nyandwat mar kendo manyienno.

1 Weche mag Ndalo 6:49

To Harun gi dhoode ema ne tiyo tije duto mag Kama Ler Moloyo, kaka Musa jatich Nyasaye nochiko. Ne gitimo misango e kendo-mar-misango, kendo ne giwang’o ubani e kendo mar ubani, kendo ne gitimo misango migologo richo mag jo-Israel.

2 Weche mag Ndalo 4:1

Huram noloso kendo-mar-misango mar mula, ma borne romo mita apar, kendo lachne bende mita apar, to borne modhi malo mita abich.

Ezra 3:2

Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Wuok 31:9

kod kendo-mar-misango miwang’oe ubani, gi mar misango miwang’o pep, gi gige, kod karaya mar lwok gi rachungine,

Wuok 35:16

kod kendo-mar-misango miwang’o pep, kaachiel gi ndiri mare molos gi mula, gi ludhene kod gige duto, gi karaya, kod rachungine,

Wuok 39:39

kod kendo-mar-misango molos gi mula gi gire mar mula machalo gi sing’enge, gi ludhene kod gige duto, gi karaya kod rachungine

Wuok 40:10

Bang’e iwir kendo-mar-misango, kaachiel gi gige duto mondo obed maler ahinya.

Wuok 40:29

kendo noketo kendo-mar-misango e dho Hema Maler, ma en Hemb Romo. Notimoe misango mar mogo mana kaka Ruoth Nyasaye nochike.

Wuok 40:6

To ket kendo-mar-misango e nyim dho Hema Maler, ma en Hemb Romo.

Kwan 3:31

kendo ne omigi tich rito Sandug Muma gi mesa gi rachung taya gi kende mag misango gi gik moko duto mitiyogo e lemo, kod pasia gi gige duto.

Kwan 4:13

Ginijow buru e kendo-mar-misango, mi gium kendono gi law maralik.

Kwan 4:14

Eka giniket kuome gik moko duto mitiyogo e tich dolo, kaka tep mach gi rachwow gi rajow gi tewni kod gik moko duto mag kendo mar misango. Giniume gi piende monyong’, kendo ginirwakne ludhe miting’ego.

Jo-Hibrania 13:10

Wan gi kendo-mar-misango ma jodolo matiyo e Hema Maler onge gi ratiro mar chamo misengni motimie.