Wuok 26:7 - MUMA MALER 2015

⁷ “Los Hema gi pasia apar gachiel mag yie diek, mondo obed hema ma oko maumo Hema Maler.

Motingʼo Loko Manyien

⁷ “Los pasia apar gachiel mag yie diek ne hema mondo oumgo Hemb Romo.

Wuok 26:7 ပူးပေါင်းရင်းမြစ်များ

Zaburi 45:13

Nyar ruoth ni e odgi, to mano kaka ojaber! Lepe ochue mana gi usi mar dhahabu.

Wuok 25:4

kaachiel gi law mambulu kod marathuol kod makwar, kod law katana maber, gi yie diek,

Wuok 26:1

“Los Hema Maler gi pasia apar mag law katana maber. Nyaka gor kuomgi kido mar kerubi gi usi mambulu gi maralik kod makwar, ma jatweng’o ma olony ema ogoro.

Wuok 26:12

Bath hema modong’ koliero, nyaka geng’ tok Hema Maler.

Wuok 26:14

To bende los raum mar piende imbe molok gi range makwar mondo oumgo hema maokono, kendo raum machielo molos gi piende monyong’, mondo obed ewi mokwongono.

Wuok 26:6

Bende ilos ramekni piero abich mag dhahabu kendo iriwgo pasia ariyo momanyorego, mondo Hema Maler obed gimoro achiel.

Wuok 26:8

Bor pasia ka pasia nyaka bed mita apar gabich, to lachne mita ariyo. Giduto nyaka gibed maromre.

Wuok 26:9

Riw pasia abich kaachiel, kendo auchiel modong’ bende iriw kamano. Bang’e ban pasia mar auchiel mondo obed e dho Hema gi malo.

Wuok 35:23

to bende ng’ato ka ng’ato nokelo gima en go kaka nanga mambulu kata maralik kata makwar, kata law katana maber, kata yie diek, kata piende rombe molok gi range makwar.

Wuok 35:26

Bende mon duto mane olony e tich wiyo yie diek nowicho gi chuny achiel.

Wuok 35:6

gi nanga mambulu gi maralik kod makwar, gi law katana maber, gi yie diek,

Isaya 4:5

Bang’e Ruoth Nyasaye nohon rumbi mar iro godiechieng’, kod ligek mach mang’ang’ni gotieno e wi udi man e got Sayun, kod kuonde chokruok, nikech duong’ nolandore kuonde duto

Kwan 3:25

To kuom tich Hemb Romo, joka Gershon ne omi tich rito Hema Maler, kaachiel gi gik miumego, kod pasia mar dhood Hemb Romo,

Kwan 31:20

Bende pwodhuru lewni duto gi gimoro amora molos gi pien, kata gi yie diel mokadi, kata gi bao.”

Kwan 4:25

Giniting’ pasia mag Kama Ler kendo giniting’ Hemb Romo gi law miumego, kaachiel gi piende monyong’ moluow kuome, gi pasia mar dhood Hemb Romo,

1 Petro 3:4

To beyou onego obed mana mar chuny. En ber ma ok rum, kendo mamuol, kendo modembore, kendo ma nengone tek e nyim Nyasaye.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”