Wuok 26:36 - MUMA MALER 2015

³⁶ Los ni dho Hema pasia mar law katana maber. Nyaka gorie maradadi gi usi mambulu gi maralik kod makwar.

Motingʼo Loko Manyien

³⁶ “Los pasia mar law mayom momin mar range marambulu, maralik kod marakwaro ma en tich mar jachwecho molony mondo ongʼaw e dhoranga Hemb Romo.

Wuok 26:36 ပူးပေါင်းရင်းမြစ်များ

2 Samuel 7:6

Chakre ndalo mane agoloe jo-Israel e piny Misri, nyaka chil kawuono, pok adak e ot, to asebet ka adak e hema.

Zaburi 78:60

Ne odar moweyo hembe man Shilo, kama ne osebet kodakie gi ji.

Wuok 26:31

“Twang’ pasia mar law katana maber. Nyaka jatueng’o molony gor kuome kido mag kerubi gi usi mambulu gi maralik kod makwar.

Wuok 27:16

To e dhoranga laru iketie pasia mar law katana maber, mogorie maradadi gi usi mambulu gi maralik kod makwar. Pasiano nong’aw e sirni ang’wen morwak e rachungi ang’wen.

Wuok 28:15

Jatueng’o molony ema nyaka los law agoko mar ng’ado bura gi dhahabu kod usi mambulu gi maralik kod makwar, kod law katana maber, mana kaka olos efod.

Wuok 28:39

“Itwang’ law akor mar katana maber, kendo ilos kilemba bende gi law katana maber, kod okanda mogoye maradadi.

Wuok 35:11

Ginilos Hema Maler, gi hembe maoko, kod raumne, gi ramekni mage, gi bepene, gi raripene, gi rachungine,

Wuok 35:15

gi kendo-mar-misango miwang’oe ubani kaachiel gi ludhene, kod mor wir gi ubani mang’ue ng’ar, gi pasia manie dho hema,

Wuok 36:37

Ne gitwang’o ni dho hema pasia mar law katana maber, mi gigoyoe maradadi gi usi mambulu gi maralik kod makwar.

Wuok 38:18

Pasia mar dhoranga laru nolos gi law katana maber, mogoe kido gi usi mambulu gi maralik kod makwar. Borne ne romo mita apar, to borne modhi malo mita ariyo gi nus maromre gi pasia mar laru.

Wuok 39:29

kod okanda. Gigo duto nolos gi law katana maber mogoe maradadi gi usi mambulu gi maralik kod makwar, eyo ma jagoro molony goyoe. Mago duto ne gitimo mana kaka Ruoth Nyasaye nochiko Musa.

Wuok 39:33

Ne gikelo ni Musa Hema Maler gi hema ma oko kod gige duto, kaka ramekni gi bepe gi rariw gi sirni kod rachungi,

Wuok 40:5

Ket kendo miwang’oe ubani e nyim Sandug Rapar, kendo igeng’ dho Hema Maler gi pasia.

Ezekiel 16:10

Ne arwaki gi lewni mogorie gik mabeyo, mi amiyi wuoche ma nengogi tek, kaachiel gi kitamba wich maber, kod law arwaka mar las.

Kwan 3:25

To kuom tich Hemb Romo, joka Gershon ne omi tich rito Hema Maler, kaachiel gi gik miumego, kod pasia mar dhood Hemb Romo,

Kwan 9:15

Chieng’ mane giguroe Hema Maler, ma en Hemb Rapar, bor polo ne oime, to godhiambo ler machal gi mach nothinyore e wiye, mosiko kanyo nyaka okinyi.

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.