Wuok 26:30 - MUMA MALER 2015

³⁰ Kamano nyaka ilos Hema Maler, kiluwo mana kido mane onyisi ewi got.

Motingʼo Loko Manyien

³⁰ “Gur Hemb Romono kaluwore gi kaka ne anyisi ewi got.

Wuok 26:30 ပူးပေါင်းရင်းမြစ်များ

1 Weche mag Ndalo 28:19

Daudi nowacho niya, “Magi duto Ruoth Nyasaye owuon ema onyiso. Tichna ne en mana dwaro rieko kaka digere.”

Wuok 25:40

To nyaka ine ni ilosogi machal gi kido mane onyisi ewi got.

Wuok 25:9

To nyaka gere kaachiel gi gige duto, kiluwo mana kido ma abiro nyisi.

Wuok 26:29

Nyaka gibaw sirnigo gi dhahabu, kendo iketnigi ratege mag dhahabu mondo omak rariwgo, ma bende nyaka ibaw gi dhahabu.

Wuok 27:8

Nyaka ilos kendo-mar-misango gi bao, to iye mondo obed thuolo, ka i sanduk. Lose mana kaka ne onyisi ewi got.

Wuok 40:2

“Chieng’ due achiel mar due mokwongo, nyaka ichung Hema Maler, ma en Hemb Romo.

Kwan 10:21

Joka Kohath ma joting’ gik maler ema nowuok bang’ jogo, to kane gichopo kama onego gurie kambi, ne giyudo ka osegur Hema Maler.

Kwan 8:4

Kor rachungi kaachiel gi bedene kod thiepene ne othedhi gi dhahabu. Musa nolose mana machal gi kido mane Ruoth Nyasaye onyise.

Tich Joote 7:44

“Kane kwerewa nie thim, ne gin kod Hemb Rapar. Nolose mana kaka Nyasaye nosenyiso Musa, kowachone ni nyaka olose mana machal gi kido mane oseneno.

Jo-Hibrania 8:2

Obet kanyo ka otiyo Kama Ler maradier, ma en hema ma Nyasaye ema oguro, to ok dhano.

Jo-Hibrania 8:5

Tich ma jodologo chiwo en kido gi tipo mar tich manie polo, mana kaka tich Musa bende nobet, nikech kane Musa chako tich gero Hema mar Romo gi Nyasaye, to Nyasaye nowachone niya, “Neni iloso gik moko duto machal gi kido mane onyisi e got.”

Jo-Hibrania 9:23

Kane owinjore ni gigo, ma gin mana kido mag gik manie polo, nyaka pwodh gi misengni ma kamago, to kara gik manie polo hie nyaka pwodh gi misengni mabeyo moloyo mago.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.